Ballon d'Or
Neymar, Messi aamma Ronaldo Ballon d'Orinnanniutissapput
2015-mi nunarsuarmi arsallaqqinnerpaatut toqqagaanissamut unammisut pingasut Fifap ataasinngornermi saqqummiuppai
Arsartartut pingasut 2015-mi nunarsuarmi arsallaqqinnerpaatut taaneqarnissaminnut unammissut aqqi saqqummiunneqarput.
Toqqaanerni kingullerni arfineq-marlunni Cristiano Ronaldo (Real Madrid) aamma Lionel Messi (FC Barcelona) paarlakaallutik siulleq pingasoriarluni kingullerlu sisamariarluni toqqagaasarput, toqqagassallu pingajorisaat isiginnaartuuginnartarluni.
Ukioq kingulleq Bayern Münchenip målmandia Manuel Neuer toqqagassatut innersuussat pingajoraat, ukioq mannali Messi arsartartoqatiminik ilalerneqarpoq Ronaldop ukiup pingajussaanik toqqagaannginnissaanut unammillertaallutik.
Brasiliamioq Neymar nersornaasigaanissamut ajugaaniuttut pingajuattut toqqagaavoq, Ronaldo aamma Messi peqatigalugit, tamanna Arsartartut Kattuffissuata Fifap ataasinngornermi saqqummiuppaa.
Barcelona 2015-mi spaniami liga, pokalinnanniunneq aamma Champions League ajugaavaat, tamatumalu Barcelonami arsartartut marluk Ronaldomut sanilliullugu periarfissarissaalersippai.
Illuatungaanilli Ronaldo siorna målernerpaavoq.
Zürichimi janurip aqqarnani nersornaasiisoqassaaq.