Narsaq

Nersutinik toqoraasoq naatsiiviutilik

Sofus Hansen naatsiicimmini naatitanik qungulinik, kuuloruujunik, purløginik aamma rubiianik Kujataani tuniniaasarpoq

Sofus Hansen naatsiivimmini assilineqartoq

Naatitanut tunngatillugu Sofus Hansen naatitsillaqqissuuvoq.

Savaaqqanik toqoraavimmi Neqimi sulinngikkaangami, naatitsinermut soqutigisani aalluttarpaa.

Illumi tungujortup saniani naatitsivimmini qungulernik assigiinngitsunik pingasunik, rubiianik, kuulorujuunik, naatsiianik, purløginik aamma jordbærinik naatitsisarpoq.

Paaqqinnittarfinnut
Taassuma paaqqinnittarfiit igaffiinut tuniniartarpaat.

- Naatitaatikka akusaanngilluinnarput. Naggorissaatit aamma serpartaatit atorneqanngillat, tulluusimaarluni oqarpoq.

Sofus Hansen Qassiarsummi peroriartorsimavoq, savaatilittullu ilinniarsimasuulluni.

Atuaruk: Nunalerinermik Ilinniarfik nutaamik aqutsisortaarpoq

Taanna marloriarluni Upernaviarsummi Nunalerinermik Ilinniarfimmi pisortaasarsimavoq, namminersortutullu savaatiliunikuuvoq.

Nersutinik toqoraasunngortoq
Ukiut arlalialuit matuma siorna taanna nersutinik toqoraasutut ilinniarneq ukiunik marlunnik sivisussuseqartoq Inuilimi naammassivaa, ullumikkullu toqoraavimmi Neqimi sulivoq.

Taassuma aamma oqaluttuaraa Islandimi naasulerinermik nunalerinermillu ilinniarsimalluni.

Sofus Hansem aamma Brugsenip Narsami siulersuisuini allattaasuusoq, Narsami pisiniarfiup naatsiivissaanut nutaanut suliniuteqartuuvoq.

Ukioq manna kingusinaartoq
Ukioq manna naatitsinissaq kingusinaareerpoq, ilaatigut inissisimaffissaanik agguaassiniarnerup sivisuallaarsimanera pissutaalluni, kisianni maanna iluarsereerpoq, taanna oqaluttuarpoq.

Kisianni ukiormanna naatsiivissat ungalussaat ikkussornissaat angumerineqarsinnaassapput, aappaagumut naatitsiviginissaanut piareersimaniassammata.

Assit takukkit: Savaatillit ukiunik 100-unngortorsiorlutik nalliuttorsiortut

Powered by Labrador CMS