Tunu
Nerlerit Inaat ukioq manna suli timmisartunit tikinneqanngitsoq
Nerlerit Inaannit angallanneq juullip qaammataanili ilaasunik timmisartuussinertigut unittooqqavoq silapilummik aputaajaatinillu aserortooqqanermik pissutilimmik. Timmisartuussineq sapaatiuppat pisinnaassasoq Mittarfeqarfinniit naatsorsuutigineqarpoq
Nerlerit Inaata timmisartoqarfia ukioq manna suli tikinneqanngilaq.
Anorersuarujussuaqattaarnerit aputaajaassuarmullu aseqqukumut atortunik utaqqineq pissutaallutik suli timmisartuussisoqannginneranut pissutaasoq Mittarfeqarfinnit ilisimatitsissutigineqarpoq.
Kitaanit Dash 8 sapaatip akunnera ataaseq kinguaattoorluni mippoq decembarip 23-ani. Aperujussuartaarneratalu kingunerisaanik suli miffigineqarsinnaasimanngilaq ulloq manna tikillugu.
Nerlerit Inaata mittarfiata pisortaa Henrik Rosing Søltoft oqarpoq, miffissaq suli piariinngitsoq, biilerfissartaa timmisartullu uniffissaa suli matoqqavissorallartut, neriuutiginerarpaa sapaatsiuppat mittoqarsinnaalersimanissaa.
- Sapaatip akunnera kingullerni sapinngisannguarput tamaat piareersaajuarsimavugut. Sulili tamanna iluatsinngilaq, aputaajagassarigatsigu miffissaq 600 m-sut takitigisoq taamaallaat Twin Otteri meqqatarsinnaasimavoq. Biilerfissaq timmisartullu uniffissaa suli iluatsinngikkaluartut, oqarpoq.
Pitsanngoriartortoq
Silapilunnerata saniatigut nivattaassuaq angineq aserorsimavoq aputaajaannissamut qulakkeerinnittussaagaluaq. Atortussamaatissatsinnik tikisitseqqaartariaqarsimavugut, aperujussuarsimaneralu pissutaalluni aatsaat taakku januarip 21-ani tikisinneqarsimallutik.
Massakkut aputaajaassuit iluarsimmata tamakkiisumik aputaajaaneq ingerlanneqarsinnaanngorpoq.
- Silapilunnerata saniatigut nivattaassuaq angineq aserorsimavoq aputaajaannissamut qulakkeerinnittussaagaluaq. Atortussamaatissatsinnik tikisitseqqaartariaqarsimavugut, aperujussuarsimaneralu pissutaalluni aatsaat taakku januarip 21-ani tikisinneqarsimallutik, pisortaq oqarpoq.