Nerisassat: Hegelund Nuummi suli isumalluarpoq

Igasutsialak Inunnguaq Hegelund juunip aallaqqaataani neriniartarfik Kalaaliaraq ammarpagu, Nuuk neriniartarfimmik ataatsimik pisuunnguallassaaq, taanna Takussimi pop-up-itut neriniartarfittut aallartittuuvoq.

Inunnguaq Hegelund Nuup qeqqani neriniartarfimmi ammaassaaq.

Heca Nuuk A/S-ip pisortaq Nicolai J. Nissen siuttoralugu, neriniartarfiup atajuartunngornissaanik ataasinngornermi Inunnnguaq Hegelund isumaqatigiissusiorfigaa. Neriniartarfik pop-up-iusoq qaammat ataaseq affarlu ulapiffiulluni ammareerluni arfininngormat matuvoq.

Misiliut annertooq

- Neriniartarfik inuit qanoq tigulluartigineraat takullugu nuannerpoq. Taamaattumik neriniartarfimmik siullerpaamik pilersitsilluni misiliineq annertuvoq, kisianni taama tapersersuisoqartigitillugu neriniartarfiup atajuartup pilersinneqarnissaanut isumalluarpugut, Nicolai J. Nissen tusagassiuutinut nalunaarummi allappoq.

Nammineq kalaaliminiutitsinnik pisareqqammisanik nutaanik aallaaveqartunik kalaallit nerisassiaannik aallaaveqartumik neriniartarfimmik pilersitsinissaq Inunnguaq Hegelundip ukiorpassuarni takorloortarsimavaa.

Misigisaq pitsaasoq

- Ullut tamaasa neriartortut isaanni nuannaarneq takullugu sulisutut aamma nammineq inuttut misigisaq pitsaasarpoq, Inunnguaq Hegelund nassuiaavoq.

Neriniartarfiup taamaattup Nunatsinni illoqarfinnut allanut siammarterneqarsinnaanera misissorniarlugu taakku marluk imminnut pisussaaffilersimapput, tamannalu allanik suleqateqarnikkut pissaaq, tamanna tusagassiuutinut nalunaarummi ilisimatitsissutigineqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS