Madpolitiet
Nerisassaq pisoqaq nutaamik puulerlugu?
Pisisartup qularutigaa Pisiffimmi iffiukkat tuniniarneqartut nutaajunersut
Sullissineq pitsaasuuvoq.Tassami iffiugaq oquttoq nutaamik taarserneqartarpoq. Tamannali akulikitsumik pisarpat pasinartoqarpoq.
Taamatut aaqqissuisoqarfimmut mail-ikkut allattoqarpoq, tassani ilaqutariit misigikulasarsimallugu Nuummi Pisiffimmi iffiugaq nutaamik taaneqartoq sukkasuumik oqulertartoq.
- Septembarip 26-anni Pisiffimmi iffiugarseqqippugut, ullulerneqarsimasoq septembarip 23-ianni poortugaasoq septembarillu 28-ata tungaanut atasinnaasoq. Septembarilli 27-anni nuliama takusinnaalereerpaa iffiugaq oqulersoq, septembarillu 28-anni assilivara, uppernarsarniarlugu iffiugaq sukkavallaamik oqulersimasoq, Ananiassen allappoq.
– Soorunami sipaarniartoqassaaq, Pisiffilli ingasappoq iffiugaq nutaamik taasaat angerlaannerata aqaguani oqulereertarmat. Tamanna akuerineqarsinnaanngilaq, Pisiffillu pasinarpoq iffiukkat nutaamik poortoqqittarsimagai, tuniniaqqillugillu. Qularutiginngilara taamatut misigisallit kisartaanngitsugut, Ananiassen allappoq.
Sermitsiaq.AG-p Pisiffik oqaaseqartinniarrsaraa.
Illit taamatut misigisaqarsimavit? Imaluunniit taanna kisiartaava?