toqunartortortitaaneq
Neqit mianersuussigit
Pisat neqaat paasisimasaqanngitsunit passutsillugit nunap bakteeriaanut attuullugit toqunartoqalersinnaasut Kalaallit Nunaanni Inuussutissalerinermik Oqartussaasut nalunaarutigaat
Neqimik qerinngitsumik pisiniarfigisartakkannit allaanerusumut pisiniaruit piniartup suliani ilisimaaralugit sulinersoq paasisimasariaqarpat.
Mianersoqqussut nutaat
Taama inuussutissalerinermut Kalaallit Nunaanni oqartussaasut Nunavimmi peqqissutsimut oqartussaasut mianersoqqusinerannut ilanngullutik oqarput. Tasamani mitit mikiarsiat imaluunniit arferup, puisip tuttullu neqaat taamatut suliat aamma pineqarput.
AG aviisi allappoq.
Arnaq panialu qilalukkap neqaanik nerereersullu arnaq toquvoq panialu napparsimarujussualerluni. Mattaa nunap bakteriaanik peqalersimavoq bakteriallu toqunartortaa naajoralersimalluni.
- Bakteria toqunartoqalersitsisartoq inalukkaniippoq neqilu taakkunannga peqalersimaguni, soorlu annamik attorneqarluni – neqilu peqqissaarullugu toqqorsimasimanngikkaanni toqunartoqalernissaanut periarfissaqalissalluni, nakorsaq Susanne Eline Wenneberg oqarpoq.
Nuna mingutsinneqarsimasoq
Pilaffigisaq nunataminermik attorneqarsimappat bakteriat pilaffigisameersuusinnaapput.
Allaaserisaq AG aviisimi tamakkerlugu atuaruk, aviisi uani pisiarisinnaavat: