Neqeroorut: Talittarfik kulturilerinermut atorneqartalerli
Tusarnaartitsinerit, workshoppertitsinerit festivalillu. Nuummi talittarfiup qanoq atorneqarsinnaaneranik siunnersuutit Sikuki Nuuk Harbourimi pisortamit John Rasmussenip siunnersuutaasinnaasut tamarmik ammaffigai
Nuummi umiarsuarnut talittarfik aasaq atorluarneqarsimasoq John Rasmussen oqaluttuarpoq, tassani takornarianut assigiinngitsunik periarfissiisoqartalernera nuannaarutigineqarluni.
Taamaattoq talittarfik suli atorluarneqarnerusinnaasoq isumaqarpoq.
- Assigiinngitsorpassuarnut atorneqarsinnaavoq, taamaattumik qanoq atorneqarnissaanut takorluukkat killeqanngillat, talittarfimmi pisortaq John Rasmussen Sermitsiaq.AG-mut oqarpoq.
Talittarfimmi kulturikkut pikialaarneq
- Lions Club susoqarnissaanik pilersaarusiorsimagaluartoq, pilersaarutaat piviusunngortinneqanngitsoorput silarlunnera pissutigalugu, kulturikkut sammisaqarfiusunik pilersitsisoqarsinnaaneranik neriuuteqartoq John Rasmussen oqarpoq.
- Upperilluinnarpara talittarfimmi pisoqartillugu takornariat umiarsuarmik tikinnertik alutorilluinnassagaat. Atortorissaarutit oqimaatsut siammartiternikuuagut, taamaattumik pisoqarfiusinnaanissaa periarfissaalluarpoq, oqaluttuarpoq.
Taamaattumik talittarfimmi kulturikkut pisoqarfiusinnaanera ammaffigilluarpaa, susoqarsinnaaneranik siunnersuutinik amigaateqaannarpoq. Innuttaasut inuussutissarsiornermillu attuumassuteqartut siunnersuuteqarsinnaanerat periarfissatsialaanerarpaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...