isumaqatigiissutit
Neqerooruteqartarneq pillugu Namminersorlutik Oqartussat malittarisassaateqanngillat
Naak kiffartuussinissamik isumaqatigiissutinik neqerooruteqarsimanerit eqqortuunersut pillugit oqallinnersuaqaraluartoq isornartorsiuisut ersarissaatigisinnaasaannik inatsiseqanngilaq. Suliassaqarfimmi malittarisassat, tamakku Europami sakkortuumik aalajangersagaapput, Transparencymit ujartorneqarput
Innuttaasut inuunerat pissusilersortarnerallu pillugit sunik tamanik inatsiseqarlunilu malittarisassaqaraluartoq politikerit sullissinernik kiffartuussinernillu pisiortorlutik millionilikkuutaanik atuisarnerat pillugu inatsiseqanngingajalluinnarpoq.
Atuaruk: Niuernikkut unioqqutitsilluni isumaqatigiissuteqartoqarsimaneranik pasitsaassineq
Kammalaatersortoqarsinnaasoq
Sanaartornerit eqqaassanngikkaanni pisortat neqeroorutaat assersuutigalugu assartuussisarnissamik kiffartuussinissamik isumaqatigiissutit oqallisaaqisut 121 millioner koruuninik nalillit aalajangersaaffigineqarsimanngillat.
Namminersorlutik Oqartussat susinnaanersut susinnaannginnersullu sumiluunniit allassimanngilaq, unammilleqatigiinneq pillugu inatsit maliinnartussaavaat.
Inatsisitigullu inissisimaneq tamanna oqaluttualianik pilersitsinernik, kammalaatersoriataarsinaanernik aamma kalaallit namminersorlutik inuussutissarsiuteqartut ajornerusumik unammillersinnaalernerannik kinguneqarsinnaapput, tassa danskit nunanilu allamiut suliffeqarfiutaat naapertuilluartumik sullinneqarnissartik naatsorsuutiginnginnamikku peqataajumanaartarput, peqquserluttoqarnissaanik nakkutilliisunit Transparencykkunnit oqaatigineqarpoq.
Atuaruk: Aluukkut sooq toqqarneqannginnerlutik paasisimanngilaat
- Nalinginnaasumik sullissinerit, aputaajaasarnerit ilaallu ilaanngullugit pillugit inatsiseqaraluarpat pitsaanerusutut isigissagaluarparput, tamakkumi pisortanit aamma pisariarineqartarput, suliniaqatigiiffimmi siulittaasoq Anita Hoffer oqarpoq.
Ammasuunissaq maqaasineqartoq
Tassami kiffartuussinissamik isumaqatigiissutit pillugit suliaq suliap ersarinnerusumik suliarineqarneranik kinguneqartussaagaluarpoq, maannakkutuunngitsoq kikkut tamarmik imminnut pisuutiffiattut ittutut, aamma ingerlatseqatigiiffiit ilaat ajorsartoq sooq toqqarneqannginnertik pillugu tunngavilersuutinik tusagaqarsimanngilarluunniit.
- Inatsimmi suna malinneqassanersoq ersarissumik allassimagaluarpat nakkutiginninninnissaq ajornannginnerujussuussagaluarpoq. Kisianni taamaattoqangilaq, tamannalu pitsaavallaanngilaq. Taamaattumik tamatuma aalajangersaaffigineqarsimannginnera ajornartorsiutaavoq, siulittaasoq oqarpoq.
Ajornartorsiut pillugu AG-mi saqqummertumi atuaqqigit: