katersortarfiit

Neqeroorut: Imigassartaqanngitsumik aaqqissuussaqaritsi taava innaallagissamut imermulli akiliissanngilasi

Tasiilami imigassartaqanngitsumik aaqqissuusinerit isumaqaginnittoqarfimmut pitsaasumik kinguneqarnera pissutigalugu isumassarsiaq Kommuneqarfik Sermersuup illoqarfiinut siammarterneqarnialerpoq.

Slip for el- og vandregningen, hvis I holder alkoholfrie arrangementer. Sådan lyder tilbuddet til Kommuneqarfik Sermersooqs forsamlingshuse, som politikerne i dag skal drøfte.

Illoqarfiit allat imigassartaqanngitsumik qaammatikkaartumik aaqqissuisalernissaat anguniarlugu kommunip innaallagiamut imermullu akiligassat akilertalissagaat Peqqinnermut Susassaqartitsinermullu immikkoortoqarfik siunnersuuteqarpoq.

Ataatsimiititaliat ullumi ataatsimiinniartut

Meeqqanut Atuarfeqarfinnut ataatsimiititaliami politikkerit ullumit siunnersuutigineqartoq, imermut innaallagissamullu akiligassat katillugit 12.000 koruunit missaaniittartut akilertalissanerlugit isummerfigissavaat.

- Assasornikkut sammisassaqartitsinerit timilu atorlugu pinnguarnerit illup iluani silamiluunniit aaqqissuussamut ilaatinneqarsinnaapput, ataatsimiititaliami politikkerinut suliassamik saqqummiiffigineqarput.

Aaqqissuussisulli ataasiakkaat nalilersortassavaat nunaqarfimmi sammissallugit suut pitsaanerunersoq, illoqarfinni Peqqinneq Susassaqartitsinerlu pillugit immikkoortoqarfiit pinnguaatinut atortut, assassugassat ilaalu ilanngullugit siunnersuinissaminnut piareersimassapput, paasissutissiisoqarpoq.

Ataqatigiinnermik nukittorsaat

immikkoortoqarfik naliliivoq.

Immikkoortoqarfiup nalilerpaa aaqqissuussinerit ilaqutariinnermut, meeqqanut inuusuttunullu ataqatigiinnermut nukittorsaataasoq, aammalu kulturimut ilaqutariinnermullu tunngasutigut nukittorsarneq annertusisarlutik.

Politikkerit isumassarsiamut isumaqataassappata, katersortarfiit nammineq ingerlattut Arsummi, Kulusumi, Tiniteqilaami, Kuummiini, Sermiligaami Isertumilu attavigineqarnissaat pilersaarutaavoq.

Powered by Labrador CMS