IA
Nathanielsen tunuarnermi kingorna: Sara tusaaniarnerusariaqarpoq
Naalakkersuinikkut aammali inuttut peqquteqarluni Naaja Nathanielsen tupaallannartumik politikkimit tunuarpoq. - Aalajangiinerni naammattumik akuutinneqanngilanga, oqarpoq
Naaja, Juliane, Aaja.
Inatsisartunut qinersinermi kingullermi qinigaanerpaat ilaat arnat IA-mi naalakkersuinermik suliallit pingasut malunnaatillit Inatsisartuni gruppemiikkunnaarput.
Aaja Chemnitz Larsen Christiansborgimiilerpoq, Juliane Henningsen inuussutissarsiornikkut suliniarluni uanilu sapaatip-akunnerata naanerani Naaja Nathanielsen nalunaarpoq aasamut attaviittunngorniarluni kingornalu politikkimit tunuarluni.
Atuaruk: Naaja Nathanielsenip IA qimappaa
Qinersisartunut pisussaaffik
Soraarpoq nipituuliunngikkaluarluni, taamaattoq iperariatsiarluni matulu matorlulaarlugu.
- Partiip qimannera oqitsuinnaanngilaq. Aalajangiineruvoq nuanniitsoq. Aamma qinersisartunnut annertuumik pisussaaffeqartutut misigisimagama. Partiilli isummiuttagaanni imminut ilisarisinnaajunnaariartorpunga, taanna oqarpoq.
Atuaruk: Olsvig: Naajap aalajangernera ataqqivarput
Aqutsisut
- Illit siulittaasullu akornanni inuttut akerleriippisi?
- Inuttuunngitsoq. Misigisimavungali aqutsisut suliani ataasiakkaani isummanik assigiinngitsunik tusaaniarnerusariaqartut, oqaloqatigiinneq oqallinnerlu inissaqartinnerullugu.
Atuaruk: Nathanielsenip aana kingoraartissaa
- Nammineq misigisimanngilanga aalajangiinerni kingorna ilaasortatut akisussaaffigisassanni naammattumik akuutinneqarlunga. Naatsorsuutigineqarsinnaanngilaq tamatigut piumasaq tamakkiisumik pineqartartoq, assigiinngissutilli akuersaaruminarnerusarput misigisimalluni oqallinneq pitsaasuusoq inissaqartitsillunilu, Naaja Nathanielsen oqarpoq.
Allaaserisaq tamaat AG-mi uani sapaatip-akunnerani saqqummertumi atuaruk, pisiniarfimmi imaluunniit uani ataani e-aviisitut pisiarisinnaavat: