mittarfiit
Narsarsuarmiut toqqissisimanngillat
Kommunimut naalakkersuisunullu arlaleriarlutik saaffiginnittarsimagaluarlutik Narsarsuarmiut suli akineqarsimanngillat mittarfik millineqassappat immaqaluunniit matuneqassagaluarpat qanoq pineqassanerlutik
Qaqortumi 1.199 meterinik takissusilimmik, 2018-imi atulersussamik, mittarfiliornissamik Naalakkersuisut pilersaarutaat Narsarsuarmiunik toqqissisimanngisitsilerpoq.
Ukiuni arlalinni akisussaallutik oqartussaasunut saaffiginnittarsimagaluarput paasiniarlugu qanoq pineqassanerlutik.
Atuaruk: Mittarfiit pingasut Kalaallit Airportsimut katersuuttut
Akineqarusuttut
Kingullermik sapaatip-akunnerani kingullermi nunaqarfinni Qassiarsummi, Igalikumi Narsarsuarmilu nunaqarfinnut siulersuisut siulittaasuat Mouritz Karlsen (IA) kommunimi nunalu tamakkerlugu politikerit allaffigai ataatsimeeqatigeqqullutik, ataatsimeereerunik ataatsimoorlutik Narsarsuarmiut oqaluttuunniassagamikkit Narsarsuarmi mittarfiup millineqarnissaanik pilersaarut piviusunngussappat qanoq pisoqassanersoq.
Saaffiginnissutaali suli akineqarsimanngilaq.
Atuaruk: Mittarfiit tallineqarnissaat nukingiunneqarpoq
Sulisut ikinnerusut?
– Inuit soorunami siunissaminnut ernumasorujussuupput. Qanoq pisoqassava siunissami timmisartuaraannaat Narsarsuarmut mittalissappata, kikkullu sulissappat. Siunissami timmisartut mikisut kisimik mittalissappata sulisorpassuit allamik suliffissarsiortariaqarput.
- Nalunngilarput mittarfinni mikisuni inuit arfineq-pingasut missaannaanniittut sulisorineqartut, ullumikkullu Narsarsuarmi sulisut 130-t missaanniipput. Sulisorpassuit suliffimminnik annaasaqartussat qanoq pissappat?, Mouritz Karlsen aperivoq.
Atuaruk: Kulusummi mittarfik pigiinnarneqarli
Allaaserisaq tamaat Sermitsiami atuaruk, taanna ullumi pisiarisinnaalerpat. Uani aamma ataani pisiarinissaanut periarfissaqarputit: