Narsap atuarfittaassaa napparnersiorneqarpoq

Sanasulli ataasinnguartortittarnerannik ileqqoq Kalaallit Nunaanni atorunnaarsimavoq

rejsegilde, Narsaq, skole, gillpølser, sodavand
Nappaanersiornermi kransi erfalasorpullu kranimut amuneqarput
Atuarfimmik sanasut nappaanersiortut.
Sanaartorfimmi pøslinik grillikkanik sassaallertoqarpoq. Namminersorlutik Oqartussat malittarisassaat malillugit sanaartorfimmi pujortartoqarlunilu imigassartortoqassanngilaq.
Kommunalbestyrelsimut ilaasortaq Josef Petersen nappaanersiornermi kommuni sinnerlugu oqalugiarpoq.
Sanaartorfimmi pøslinik grillikkanik sassaallertoqarpoq. Namminersorlutik Oqartussat malittarisassaat malillugit sanaartorfimmi pujortartoqarlunilu imigassartortoqassanngilaq. John Rasmussen - Narsaq FotoKommunalbestyrelsimut ilaasortaq Josef Petersen nappaanersiornermi kommuni sinnerlugu oqalugiarpoq. John Rasmussen - Narsaq FotoNappaanersiornermi kransi erfalasorpullu kranimut amuneqarput John Rasmussen - Narsaq FotoAtuarfimmik sanasut nappaanersiortut. John Rasmussen - Narsaq FotoSanaartorfimmi pøslinik grillikkanik sassaallertoqarpoq. Namminersorlutik Oqartussat malittarisassaat malillugit sanaartorfimmi pujortartoqarlunilu imigassartortoqassanngilaq. John Rasmussen - Narsaq FotoKommunalbestyrelsimut ilaasortaq Josef Petersen nappaanersiornermi kommuni sinnerlugu oqalugiarpoq. John Rasmussen - Narsaq FotoNappaanersiornermi kransi erfalasorpullu kranimut amuneqarput John Rasmussen - Narsaq FotoAtuarfimmik sanasut nappaanersiortut. John Rasmussen - Narsaq Foto

"Malugeqquneqassaaq namminersorlutik oqartussat politikkiat malillugu sanaartorfik pujortarfiunanilu imigassartorfiunngimmat", tallimanngormat ualikkut Narsami atuarfittaassap napparnersiorneqarneranut qaaqqusissummi allassimavoq.

Hotel Narsaq pølsinik grill-eritinneqarlunilu sassaallertinneqarpoq, cola-nillu sodavandinillu qorsunnik iggiserlugit nerrittoqarnerani kommunalbestyrelsimut ilaasortaq Josef Petersen kommuni sinnerlugu entreprenørimut sanasunullu oqalugiarpoq.

Ilaatigut oqarpoq atuarfittaassaq toqqaveqarluartuussasoq, innersuussutigalugu illoqarfiup siunissaa tassaasoq meeqqat ilinniartitaanerminni tunngaveqarluarnissaat, tunngavimmullu tamatumunnga sinaakkutassat pilersinneqartut, taanna oqarpoq.

Ilanngullugu eqqaavai atuarfiup pisortarisarsimasai assigiinngitsut, ilinniartitsisut angajoqqaallu, ukiorpassuarni ininik atuarfinnik pitsaanerusunik sorsuuteqartarsimasut, tamakkualu pilluaqqullugit sorsuuteqarsimanerat suliniuteqarsimanerallu kinguneqarsimammat. Neriuutigaalu ilinniartitsisut, angajoqqaat atuartullu atuarfik paarilluarumaaraat.

Naggataatigut Josef Petersenip nuannaarutigalugu oqaatigaaa sanaartorneq ingerlalluarsimasoq, inunnik ajoqusertoqarani, aamma aqqutaani ajutoortoqarsimagaluartoq, innersuussutigigunarlugu entreprenørip kraniata Krøll qanittukkut ajutoorsimanera.

Sanasut pølsitoreerlutik sanaartorfiup avataanukarput pujortariarlutik.

Suliniutip pisortaata Niklas Skovgaardip oqaatigaa naatsorsuutigalugu atuarfittaassaq septembarip naanerani matuneqarsimallunilu silataa naammassineqarsimassasoq, kiisalu sanaartorneq, atuarfiup pisoqaanersaasa nutarternerat ilanngullugu, 2016-mi aggustip aallaqqaataani tunniunneqarumaartoq.

Powered by Labrador CMS