Narsap atuarfiata nutarterneqarnera kiisami aallartinneqarpoq

Narsap Atuarfiata toqqavissaa sapaatip akunnera kingulleq assanneqarluni aallartippoq, novembarip aallartinnerani tamanna naammassineqarnissaa naatsorsuutigineqarpoq - sila aamma peqqutaaqasaassaaq.

Atuarfiup nutarsarneqarnera aamma aallartippoq.

Atuarfiup iluaniittut natit, iikkat qilaallu nutarterneqassapput, kiisalu randonimut qularnaveeqqusiisoqassalluni.

Randon gassiuvoq qinngornernik ulorianartunik akulik, nunap naqqanit seerisartuulluni.

Atuarfiup nutarterneqarnera aappaagu maajimi naammassisinnaassasoq nutarterinermik aqutsisumit Niklas Skovgaardimit oqaatigineqarpoq. Atuarfiup ilassutaa 2016-mi naammassissangatinneqarpoq.

Permagreenimit aamma nalunaarutigineqarpoq nunaqafissut kisimik sulinermut atorneqartut.

Betonimut suliaqartut ilaat Qaqortumeersuupput sulinerup naatsorsuutigineqartumit ingerlannginnera pissutaalluni.