Urani

Narsami urani innuttaasunik avissaartuutsitsivoq

Narsap eqqaani Kuannersuarni aatsitassat uranitallit piiarneqarnissaannut pilersaaruteqartoqarnera pissutigisaanik allaat innuttaasunik avissaartuutsitsivoq

Narsaq - assi toqqorsivimmit

Urani pillugu apeqqqut, ukiut kingulliit ingerlanerini Kujataani eqqartorneqarnerpaanut ilaavoq. Tamanna aamma Kujataani Inatsisartunut novembarimi qineqqusaarnermi kingullermi, politikerit innuttaasullu akornanni apeqquserneqarsinnaanngitsumik erserpoq.

Oqallinnerni paasinarsivoq uran pillugu oqallinneq Narsami innuttaasut akornanni annertuumik misigissutsinik eqquiinnarani aamma avissaartuussutaasoq.

Marianne Paviasen, Narsaq, allanik peqateqarluni, decembarip qiteqqunnerani peqatigiiffimmik nutaamik pilersitsivoq. Peqatigiiffik siunertaraa Kalaallit Nunaanni aatsitassat uranitallit piiarneqanngilluinnassasut.

Uran pillugu avissaartuunneq ima angitigilersimavoq, allaat Narsami ikinngutigiit ilaqutariillu amerlasuut akerleriilersimallutik, naak illoqarfik 1.500-t missaannaanik inoqaraluartoq, Marianne Paviasen oqarpoq.

- Amerlasuut akerleriilernikuupput, nuanninngitsumillu pissusilersorneq facebookkikkut ingerlanneqarpoq, ilisarisimasariit oqaatsit sakkortuut atorlugit akerleriittarlutik allaat. Soorunami taama pisoqarnera assut uggornarpoq. Naalakkersuisut akerliusunut tusarniaanerusimagaluarpata, ajornartorsiut taama annertutiginavianngikkaluartoq isumaqarpunga, Marianne Paviasen oqarpoq.

Allaaserineqartoq tamaat aviisimi Tamanut Kujallermi atuarneqarsinnaavoq. Kommuni Kujallermi pisartut assigiinngitsut aviisimi aamma atuarneqarsinnaapput. Aviisi akeqanngitsumik ataani aaneqarsinnaavoq:

Powered by Labrador CMS