Sulisartut ulluat

Narsami sulisartut ulluat pikkunaatsoq

Narsami sulisartut ullorsiortinneqarneranni politikkikkut oqariartuuteqartoqanngilaq. Politikerit peqataannginnamik maqaasinarput

SIP Narsami siulittaasup tullia, Sofia Semsen, maajip aallaqqaataani kommunip saavani oqalugiarpoq

Ingerlaannaq oqaatigiinnarniarli, SIP-p Narsami aaqqissuussinera ussagarneqarluanngivippoq.

Narsami SIP-p aappaluttunik erfalasulerluni ingerlaaqatigiinnissaq taamaatissimavaat, tassunga taarsiullugu innuttaasut illoqarfiup katersortarfianut ulloqeqqata qaangernerani qaaqquaat.

Siulittaasoq napparsimalluni takkussinnaanngimmat, siulittaasup tullia Sofia Semsen kommunip allaffiata saavani oqalugiarpoq.

Atuaruk: Vittus: Unammilligassaqarpugut

Katersortarfimmi kaffisortitsisut
Taassuma takkuttut sulisartut ulluanni pilluaqquai, oqaluttuaraalu arsaattoqarlunilu arpatsitsisoqassasoq, meeqqallu peqataasinnaasut.

Tamatumalu kingorna katersortarfimmi kaffisortitsisoqassasoq, inuillu oqaluttuassaqarunik oqalugiarsinnaassallutik.

Tamannalu aaqqissuussineq bingortitsinermik naggaserneqassasoq.

Atuaruk: IA-p siulittaasua: Assigiinngissuseqarneq kikkut tamarmik akiussavaat

Politikerinik takkuttoqanngitsoq
Eqqarsarnarsinnaavoq illoqarfiup kommunalbestyrelsimut ilaasortaatitaat imaluunniit illoqarfimmi partiit siulittaasui takkutinngimmata.

Illoqarfimmi suliffissaaleqisoqarnerujussuanik, Kuannersuarnik ajornartorsiuteqarnerup innuttaasunik avissaartuutsitsisoqarnera, inuuniarnermillu ajornartorsiuterpassuaqartillugu oqallisissarpassuaqarunaraluarpoq.

Illuatungaanilli ulloq upernarpalaarluni kiappoq, taamaappat sooq politikkikkut malunniutinik ulloq aserorneqassava.

Atuaruk: Jess G. Berthelsen: Politikerivut tatigalugit

Powered by Labrador CMS