Narsaq
Narsami poorskimut qiortaasut
Pinaveersaartitsinermut allaffiup Narsallu Katersugaasiviata atuartut poorkimi feeriartut, qiortaanissamut manninnillu qalipaanissamut qaaqqusimavaat
Marlunngormat ualikkut Pinaveersaartitsinermut allaffik Narsallu Katersugaasivia atuartunut poorskimi feeriartunut sammisaqartitsilaarsimapput.
Manninnik, qalipaatinik, qiuutinik, kaageeqqanik pisiortortoqarsimavoq, marlunngormat ualikkut meeqqat angajoqqaavisalu manninnik qalipaaneq sammivaat.
Neqeroorut akeqanngitsoq
Qalipaajumanngitsunut aamma pappialaqarepoq qiuuteqarlunilu.
Neqeroorummut akeqanngitsumut tassundga meerarpaaluit isaallutillu aniasarput, taamaasilluni piffissap ilaani meeqqat amerlanerusarlutik, piffissallu ilaani ikinnerulaartarlutik.
Pinaveersaartitsinermut siunnersortip Heidi Kielsenip oqaatigaa aningaasartuutit Pinaveersaartutsinermut allaffiup akilissagai, atuartut poorskimi feeriarnerminni immaqa angajoqqaavisa sulineranni sammisassaqartinniarlugit.