Skip to main content

Narsami juullimut niuffannersuaq

Ileqqut malillugit Narsap Timersortarfiani juullimut niuffatsitsisoqarpoq, tassani innuttaasut, peqatigiiffiit suliffeqarfiillu nioqqutissaatiminnik tuniniaapput.

Arfininngormat ualisoq ukiumi juullimut niuffatsitsineq ingerlanneqarpoq, ukioq mannalu Qaqqavaarsuk aaqqissuisuuvoq.

Sanalukkat

Illoqarfimmi sanaluttartut tuniniaanerisa saniatigut illoqarfimmi pisinarfiit assigiinngitsut aamma tuniniaaqataapput. Neqi aamma peqataavoq, taakku savat neqaanik suliareriikkanik akisuallaanngitsunik tuniniaapput. 

Meeqqat juullisiutinik erinarsorput, Benjamin Kielsen aamma Amôraq & Martin Egede juullerpaluttunik nipilersorlutik.

Makitsinissamut tuniniaasoqarsoqarpoq, tassani illoqarfimmi pisiniarfiit eqqugassanik tunissuteqarlutik. Meeqqanut aamma titartaanermik unammisitsisoqarpoq.

Naggataanilu orpik kaavinneqarluni.

Niisimaaq

Ukioq manna, ukiorpassuarni illoqarfimmi niisimaajusarsimasoq, Pavia Egede, toqukkut qimagussimavoq. Taamaammat nutaamik taarserneqarsimasimavoq "Santa Isak" Josefsenimik atserlugu, meeqqaniillu ingerlaannaq nuannarineqalerpoq.

Ukioq manna juullimut niuffatsitsineq inuppassuarnit ornigarneqarluarmat, sanaluttartut tunisaqarluarsimanertik oqaatigaat. Neqi-lu fabrikkiminut neqinik aalleqqittariaqarsimangaluartoq tamakkingajallugit tunineqarsimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER