Narsaq
Narsami illu ikuallarujussuartoq
Ikuallanneq igaffimmiit illup sinneranut sukkasuumik siaruaappoq
Narsami aappariit sisamanngormat unnukkut tupatsitaarujussuarput illuat ikuallalermat.
Fjernsyni qamileraallu igaffimmit nipitoorsuarmik seqqorpallattoqarpoq.
Taamaasillutik paasivaaat kissarsuutip innaallagissamut ikkuttarfia ikummarsimasoq tamannalu peqatigalugu pujuliortorujussuanngorpoq.
Iigaq putullugu
Igaffimmili ikuallanneq qamissinnaanngilaat. Tamanna peqatigalugu aappariit paasivaat inneq iigaq putullugu sinittarfimmut siuaruaattoq. Pujoq issutsikkaluttuinnarmat illup iluaniissinnaajunnaarput tuaviinnarlu anillutik qatserisartut kalerrippaat.
Sukkasuumik takkupput
Narsami qatserisartut sukkasuumik takkupput, iigarlu akunnequt iigarlu silarleq putoriarlugit akunnerit marlussuit ingerlaneranni ikuallanneq qamippaat.
Innaallagissamut ikkuffimmiit inneq sinittarfiup iigaaniit, iikkamit silarlermiit qalianullu sukkasoorujussuarmik siuariarsimavoq, taamaasillunilu pujortitsisorujussuulluni.