Nunani tamalaani Arnat Ulluat
Narsami arnat kalaallisuut sammivaat
Katersortarfimmi assassornermik aaqqissuussinerpassuit iluatsilluarput arnat ullortik nalliussimmassuk
Nunani tamalaani arnat ulluanni Narsami arlalinnik aaqqissuussisoqarpoq.
Ullaap tungaani arnat qanorluunniit ukiullit arpatsinneqarput, ualikkullu Umiarsualivitoqqami arnat peqatigiiffiata illuani kaffillertoqarluni.
Katersortarfimmi, kommunip atukkiussaani, arnat ulluata komitéa qanga assassortakkanik saqqummersitsivoq, allapalaakkat kalaallisuullu amiisa suliarinissaat sammillugit.
Arnat isumaqarput kalaallisuut amertaat assigiinngitsut suliarineqartarnitoqaat tammalersut, kommunilu killinniarpaat siunnersortimik inuusuttunik ilinniartitsisussamik atorfinitsitsinissaanik, tamakkua suliarineqartarnerat tammavitsinnagu.
Kikkut tamarmik tikilluaqquneqarput, aamma angutit, arnat kalaallisuunik, nuersagassanik, allapalaarinermik qalipakkanilu suliaannik isiginnaarnissaannut saqqummersinneqartunut, tamannalu pivoq kaffilliitigaluni lagkagilimmik paarnanik assigiinngitsunik akulinnik.
Angulli ataaseq isumaqarpoq assigiinngisitsinerusoq ´angutit ullannik´ peqanngimmat.