Naqinnernik ilisarinnissinnaanngitsunut misiliutissat suliarineqarput

Aqutsisoqarfiup 1.-3. klassini atuartunut misiliutissat suliarinerat ingerlappaa, tassani naqinnernik ilisarinnissinnaanngitsunut atugassiassanik pilersitsisoqassalluni

Innuttaasut amerlassusaannut naleqqiullugu inuit qassit naqinnernik ilisarinnissinnaanngitsuunersut kisitsisaatigineqanngillat. Kalaallit Nunaanni taamatut ajornartorsiutillit aamma qanoq amerlatigineri kisitsisaatigineqanngilaq.

Mikivsuk Thomassenip Naalakkersuisunut apeqquteqaataanut ilinniartitaanermut naalakkersuisoq Ane Lone Bagger akissutaani erserpoq.

Immikkut ilisimasallit akornanni naatsorsuutigineqartarpoq innuttaasut 5-10 procentii naqinnernik ilisarinnissinnaanngitsuusut.

llinniartitaanermut Aqutsisoqarfiup ilimagaa eqimattanik misiliutit inerisarnerat 2019-imi naammassisasoq, atuartunullu ataatsiakkaanut misiliutit 2020-mi naammassissasut.

Atuarsinnaassutsimik misiliutit Kalaallit Nunaanni atugassat suliarineqarnikuupput, taakkualu ajornartorsiutip suussusilerniarnerani atorsinnaanngillat.

Powered by Labrador CMS