taamaatippoq
Naqinnernik ilisarinnissinnaanngitsunik ilinniartitsineq unitsittariaqaraat
Ilinniartitsinerit arlalinnik ilinniartitsisoqarnissaat pisariaqarpoq, Namminersorlutik Oqartussalli tapiissutaat tamutumunnga naammanngitaut Knud Rasmussenip Højskoliata ilisimatitsissutigaa
Knud Rasmussenip Højskolia naqinnernik ilisarinnissinnaanngitsunit aamma atuarnermik/allannermillu ajornartorsiuteqartunit qinnuteqaatinik 49-nik tigusaqarsimagaluarpoq, taakkuli ilinniartinngitsoorneqassapput.
Aammali højskolip ulluni 14-ini pikkorissartitsinerit 15-inik peqataaffigineqartut ingerlatereerpaa, tassungalu pikkorissarnissamut aamma 50-it qinnuteqarsimapput.
- Taamatut ilinniartitsissagaanni atuaqatigiit ataatsit amerlanerpaat arfiniliusinnaapput, taakkulu ilinniartitsisutut atorfik atorfik ataaseq pisariaqartippaat. Taamaammallu ilinniartitsineq nukissarpassuarnik tigusivoq, tassami højskolimi ilinniartitsisutut atorfiit marluusut aappaat atorneqartariaqarsimammat, saniatigullu allanik ilinniartitsisariaqarluta, soorlu timimikkut innarluuteqartunut.
Højskoli tusagassiuutinut nalunaarummi erseqqissaavoq.
Uggornarpoq
Knud Rasmussenip Højskoliata taamaatitsineq assut uggornarnerarpaa, kisianni erseqqissaatigaat allanik periarfissaqanngitsoq.
Højskoli ilinniartitsisunik allanik atorfinitsitsinissaminut akissaqanngilaq, Namminersorlutik Oqartussanik amerlanerusumik aningaasaliiffigineqalinnginnamik. Illuatungaanillu aamma Knud Rasmussenip Højskoliata erseqqissaatigaa, kommunimit inatsisit tunngavigalugit ilinniartitsinerminut akileeqqusisinnaanngilaq.