Napparsimalluni sulinngitsoortarnerit
Napparsimalluni sulinngitsoortarnerit utoqqaat isumagineqarnerannik tatisivoq
Utoqqaat pitsaasumik isumagisinnaaniarlugit annertuumik iliuuteqartoqartarpoq.Qanorli iliortoqarsinnaava sulisussat ajornavitsillugit – imaluunniit napparsimasoqartillugu sulinngitsoortarnerit amerlippata suliassanik tatineqarneq peqqutigalugu?
Kommuneqarfik Sermersuumi naalakkersuinermik suliallit ungasinngitsukkut paasissutissinneqarput kommunimi utoqqaat illorpassuini utoqqarnullu inissiani ajornartorsiuterpassuit aaqqinniarlugit qanoq iliuuseqartoqarnersoq. AG aviisi taama allaaserinnippoq.
Ajornartorsiutit eqqartorneqartut
Taamatut iliuuseqarneruneq aallartinneqarpoq avataaniit siunnersortit siorna utoqqarnut inissiani nakkutilliinermut atatillugu nalunaaqqaarlutik takuniaasaqattaareersullu. Kingorna nalunaarusiaminni pissutsit isornartullit arlaqattut allaaseraat ilaatigut minnerunngitsumik sulisut napparsimasarnerat peqqutigalugu ajornartorsiutit annertuut.
- Utoqqarnut inissiani napparsimalluni sulinngitsoortorpassuusarput ingammik ullormi akissarsiffimmi. Sulinngitsoortarnerit ulluinnarni pilersaarusiornermut ilungersunartuuvoq, ingerlatsivinnillu ataasiakkaani kommunimullu tamarmut aningaasaqarnikkut annertumik artukkiisarlutik, Kommuneqarfik Sermersuumi tungiuinermut ataatsimiititaliami naalakkersuinermik suliaqartunut nalunaarusiami allassimavoq.
AG-mit aqutsinermi pisortaq Grethe H. Nielsen aperaarput pissutsit qanoq ajortiginersut?
Ajorluinnartumik inissisimasoqartoq
- Sumiiffiit ilaanni ajorluinnartumik inissisimasoqartarpoq. Suleqatit napparsimallutik sulinngitsuukulasut suleqatigigaanni nammineq immikkut ittumik tatineqartarpoq immaqalu aamma napparsimalerluni. Aamma taamaallaat utoqqarnik isumaginninnermi tamanna ajornartorsiutaanngilaq. Nalinginnaasumik ajornartorsiutaavoq. Annikillisinniarluguli annertuumik iliuuseqartarpugut. Atituumik iliuuseqarneruvoq, Grethe H. Nielsen akivoq.
Allaaserisaq tamaat Grethe H. Nielsenillu apersorneqarnera AG aviisimi atuaruk.