Leukæmi
Nappaat toqussutaasinnaasoq arajutsingajappaat
Doris Møller Petersen tuparujussuarsimaqaaq Paamiuni napparsimmavik uimi ikiornissaanut atortunik pisariaqartunik peqarsimanngimmat. Kingorna paasineqarpoq uia aakkut sakkortuumik kræfteqartoq. Politikerit akuliuttariaqarput, taanna oqarpoq
Erik Petersen Paamiuneersoq maanna Københavnimi Kalaallit Napparsimasut Akunnittarfianni najugaqarpoq, juulleriartornerani leukæmi-mik pinartumik, aamma aakkut kræfteqarnermik sakkortuumik taaneqartartumik, ulluni tallimani kemomik sakkortuumik katsorsartinnermi kingorna. AG aviisi allappoq
Misigisaq annilaarnartoq
Nappaataata suussusersineqarnissaata tungaanut piffik nulianut Doris Møller Petersenimut annilaanganarsimangaarmat aappariit Danmarkimut nuunnissartik isumaliutigilersimavaat. Novembarip aallartinnerani 50- inik ukiulik Erik Petersen pisarnermisut timersortarfimmut arsaakkiarpoq, tamannalu sivisusarmat nuliata eqqumiigisimavaa pisarnerminit siusinnerujussuakkut matukkut puttummat.
- Ilisarnanngilaq. Isai ilummoorsimapput asingasorujussuuvorlu. Oqaluttuuppaanga minutsini qulini arsaatereerluni qinngamigut aalersimalluni qasusorujussuanngorsimallunilu, Doris Møller Petersen Kalaallit Napparsimasut Akunnittarfiannit oqaluttuarpoq.
50-inik ukiulik Erik Petersen peqqilluarsimagaluarpoq, nulia erseqqissaavoq.
Ilaqutariit misigisaat quarsaarnartoq pillugu allaaseriaq AG aviisimi tamakkerlugu atuarsinnaavat, aviisi digitaliusoq uani pisiarisinnaavat: