Napaattooq Asiimut: Mittarfinnut 1.199 meterinut taamaallaat akissaqarpugut
Sapaatip-akunnerata siuliani Kommuneqarfik Sermersuumi borgmesterip Partii Naleraq sakkortuumik isornartorsiorpaa. Partipp naalakkersuinikkut oqaaseqartartuata akissuteqarfigaa.
Mittarfinnit pingasuinnarnuunngitsoq allanut aamma aningaasaqartariaqarpoq, taamaattumillu mittarfiit pingasut 1.199 meterit aaqqiissutissatuaapput. Partii Naleqqap naalakkersuinikkut oqaaseqartartua, Jens Napaattooq Sermitsiamut naqissusiivoq.
Kommuneqarfik Sermersuumi borgmesterimut Asii Chemnitz Narupimut (IA) akissutitut tamanna pivoq. Partii Naleqqap siunissaq aamma aningaasaqarnikkut ineriartorneq mittarfiliortitsernissanut pilersaarutit qularinerisigut immeraatigigaat, illoqarfiit pingaarnersaanni borgmesteri isumaqarpoq.
Kisianni akerlianik Jens Napaattuup partiia aningaasaqarnikkut akisussaaffeqartumik iliuuseqartoq isumaqarpoq.
– Mittarfissualiorniarnerit kinguarsaaniaannarluta pissusilersorfiginngilluinnaqqissaarpagut. Mittarfissualiornissamut nunatta aningaasaqarnikkut sunniutigisinnaasai qulaajaqqissaartariaqartut taakkartorpagut, nunattami karsia avammut taamannak erniaqartunik akilersuilertussaanera 6 milliardit pigatsigit sukumiisumik pitsaanerpaamillu suliarineqarsimasumik toqqammaveqartumik aalajangertariaqarluinnaratta.
- Aap uagut naalagaasuugutta amerlanerussuteqartuuguttalu mittarfiit nunatta akilersinnaasaanik sananeqassagaluartut isumaqarpugut, tassalu 1199-imut tallineqassasut nunattalu iluani angallannikkut pitsanngorsaanerit salliullugit aaqqivigineqassasut.
Sermitsiami paasisaqarnerugit, tassani aamma Asii Chemnitz Narupip allaaserisaa tamaat atuarsinnaavat: