tusarnaartitsineq
Nanortalimmi tunisiumatunerujussuaq
Nanortalimmi tapersiiniarluni tusarnaatitsisoqarnerani Nuugaatsiamut 45.300 katersorneqarput
Annonce
Nanortalik 1.500-nik inuttussuseqarluni Nunatsinni illoqarfiit annersaasa ilaginngilaat.
Kisianni innuttussutsimi piginngisami, illoqarfik uummammik inissaqartitsivoq.
Tassami tallimanngornermi Nuugaatsiamut tapersiiniarluni tusarnaartitsinermi angusat 45.300 koruuniupput.
Nipilersoqatigiit 44 Jam Mike Fencker Thomsen aamma Johannes Berthelsen illoqarfimmut tikisissimavaat. Taakkulu nalunaaqutaq 22.000-miit 01.00-p tungaanut tusarnaartitsipput.
Aaqqissuussaq Café 44-p aamma Nanortalimmi Timersortarfiup suleqatigiinnerisigut piviusunngortinneqarpoq.
Tallimanngormat aamma Nuummi Katuami tapersersuiniarluni tusarnaartitsisoqarpoq. Tassani 90.000 koruunit katersorneqarput.