Nanortalimmi nukappiaqqat sapiitsut akissarsitinneqartut

Sakka Abelsen aamma Kunuuti Hammeken 13-nik 14-nillu ukioqartut sapiitsuliorsimanertik pissutigalugu Nanortalimmi politiinit akissarsitinneqarput.

Nukappiaqqat ilaat sianerfigineqarpoq nalunngisartik Nanortallip eqqaani ikkarlisiimasut, umiatsiaararlu kivilersoq oqarfigineqarlutik. Pisoq 2013-mi septembarimi pivoq.

Nukappissat marluullutik ilaqutami umiatsiaat atorlugu inersimasortaqannginnamik sianertoq ornipallappaat.

- Naak sila taarsiarsaaleraluartoq pujoraluartorlu kivilersunut appakaassinnaasimapput, Nanortallip politiivisa pisortaat Kunuk Geråe-Nielsen oqalutuarpoq.

Sapiitsuliorneq
Nangipporlu:

- Akunnerata affaata missaa kivilersut umiatsiarlutik ornippaat, silalu nillerluni. Apuuffissaminnut pigamik motorertik qamippaat, ikiortissarsiorlutillu nilliasut tusaavaat, ikiortissarsiortullu ikittartoq atorlugu takutinniarsaralutik. Ikiortissarsiortut takugamikkit apuutipallapput, umiatsiaq immassimaqaaq. Ikiortissarsiortut umiatsiamut pisipallappaat Nanortaliliaallugillu.

- Nukappissat periataarnertik pissutigalugu nersorneqarput, nukappissallu ikiuinerat pissutaalluni ajornerusumik pisoqarnani, Kunuk Geråe-Nielsen naliliivoq.

Sakka Abelsens aamma Kunuuti Hammeken Knudsen sapiitsuliornertik pissutigalugu politiinit 1.000 koruuninik akissarsitinneqarput.