Nunat Avannarliit Nipilersornermut nersornaasiuttagaa
Nanooq nipilersornermi nersornaat pissarsiarinngitsoorpaat
Susanna Mälkki Finlandiminngaanneersoq Naanook-ikkut ajorsartillugit Nunat Avannarliit Siunnersuisoqatigiivisa nersornaasiuttagaat pissarsiaraa
Kalaallit nipilersoqatigiivi Nanook Nunat Avannarliit Siunnersuisoqatigiit Nipilersornermut nersornaasiuttagaat pissarsiarinngitsoorpaat.
Nersornaasiineq Finlandip illoqarfiisa pigaarnersaanni, Helsinkimi, pingasunngormat pivoq. Finlandimiulli Susanna Mälkkip nersornaat pissarsiaraa.
Kalaallit nipilersoqatigiit, nuannarineqarluartunik nipilersugallit soorlu 'Ingerlaliinnaleqaagut' aamma 'Inuinnaagavit', nunani avannarlerni nipilersortartut allat peqatigalugit nersornaammut innersuunneqarsimapput.
Atuaruk: Nanook nipilersornermut nersornaammut akimasumut innersuunneqartoq
Ukioq kingulleq nersornaat qallunaamut pattattartumut, Hans Abrahamsenimut tunniunneqarpoq.
Ukioq manna Nanook-ikkut Nunatsinni nipilersoqattaarnerminni filmiliartik saqqummersippaat. Piviusulersaarummi apeqqarissaarnerit, Nunatsinnit tusarnaariat aammalu musikvideomi scenep tunuani takusassanik imaqarpoq.
Atuaruk: Nipilersoqatigiit angalaarnerminni piviusulersaarusiaq saqqummersippaat