nunatsinnit

Nanook Nutaamik immiussipput

Nanook-ikkunnik nuannarinnittut nipilersuusiaannik nutaanik Facebookimi ujartuipput

Nanook-ut nuusiartik nutaaq Aasiannilu tusarnaartitsinissartik qilanaaraat. Nipilersoqatigiit tassaapput Frederuik Elsner, Christian Elsner, Andreas Otte aamma Mads Røn

Nanook ataasinngormat nuusiamik pingajuat immiullugu allartippaat. Nipilersoqatigiit sivisujaani Københavnimiissimapput nuusiassartik piareersarlugu sungiusarlutillu.
– Pissangageqaarput nuut qanoq inerneqassanersoq, sapaatilli akunnerata tulliani immiussilinnginnitsinni eqqissisimallutalu isumalluarpugut. Uagutsinnut pingaaruteqarsimavoq nuusiasssatta pingajussaat ukiualinnik utaqqisinnissaa, pissutigalugu naammagittarnissaq pingaaruteqarmat, aammattaarli aatsaat ukioq manna misigisimalersimagatta piffissanngortoq, nipilersoqatigiit, Frederik Elsner, Christian Elsner, Andreas Otte aamma Mads Røn nassuiaapput.
– Nuannarinnitsivut,naammagittarlutik utaqqisimasut nuannareqaavut. Nanook Official fanclub-imi takusinnaavarput amerlasuut Nanook-unnit nutaanik tusagaqarusuttut. Pilersaarutaavoq ukiaru piffissap ilaani nuut saqqummiutissagipput, nipilersoqatigiit oqarput nuannarinnitsiminnullu nutaarpassuarnik saqqummiussinissaminnut qilanaarput.
Nipilersoqatigiit nutaamik tusarnaartitseqattaalernissartik qilanaaraat.Nanooki-ikkut facebook-iat malillugu tullianik tusarnaartitsissapput NIPIAA ROCFESTIVAL 2014-imi, Aasianni septembarip 5-aanni.

Powered by Labrador CMS