Nanook

Nanookikkunnut nuannarinnuttunut nutaarsiassatsialak

Nanook – ukioq manna ukiunik qulinngortorsiortut – saqqummersitamik sisamassaat Islandimut immiukkiartussamaarpaat

På billedet ses Nanook-bandet

Nipilersoqatigiit Nanook ukiut sisamangajaat matuma siorna saqqummersitamik pingajuat 'Pissaaneqaqisut' saqqummersippaat, nipilersoqatigiillu ukiut qulit matuma siorna Akisuanerit Festival 2008-imi appisimaaqqaarput.

Nipilersoqatigiilli immiusseqqissamaalerput, nipilersoqatigiilli februarip qaammataani Islandimukassapput.

Nipilersoqatigiit tusagassiuutinut nalunaaruteqarput.

Aamma atuaruk: Nanook nipilersornermut nersornaammut akimasumut innersuunneqartoq

Islandimi immiussineq

Nipilersoqatigiit islandimi Aeronaut Studiosiminngaanneersoq producer Arnar Gudjónsson – nunarsuarmi ilisimaneqarluartoq Kaleo suleqatiginnissimasoq – saqqummersitami sisamaat taanna aqqutigalugu immiutissallugu aalajangiussimavaat.

- Immiussisarfiliarnissarput qilanaareqaarput, ingammik amerlasuunit nutaaliornissarput utaqqineqartillugu. Attaveqaatigut kammalaatigulli nunani avannarlerni nipilersortartut avitseqatiginissaat aamma pingaartitaraarput, Frederik K. Elsner Nanookiminngaanneersoq oqarpoq nangillunilu:

- Islandimiut nipilersoriaasiat isumassarsiorfigisaqaarput amerlasuulli avataanit ilisimaneqarnerat pissutissaqarluarpoq. Allanit assigineqanngitsumik nipeqarput. Nanook-ikkulli nipilersoriaasiat akulerukkaanni iluaqutigingaatsiarsinnaallutigit, taakanilu misileraanissarput qilanaarivarput.

Aamma atuaruk: Nanook nipilersornermut nersornaammut akimasumut innersuunneqartoq

Nipilersoriaaseq allannguuteqagaassanngitsoq

Nanook-ikkulli rockimik, popimik nikallungarpaluttumillu nipilersoriaaseqarnerungaluartut Frederik K. Elsner naapertorlugu allannguuteqarpallaassanngillat:

- Nipilersoriaatsillu ineriartortinneqarnera tusaaneqarsinnaassaaq, nipilersoqatigiimmi aallartinneranniit nipilersoriaaseq allanngornikuuvoq, Frederik K. Elsner oqarpoq.

Taallat sunik imaqassanersut nipilersoqatigiit oqaatigiumanngilaat, taamaakkaluartoq saqqummersitassami rytmeriaatsip teknikkikkut ineriartornera atorluarlugu erinnat nuannnersunik immersorneqarnissaat oqaatigaat.

Powered by Labrador CMS