Nannut ulluat
Nannut pillugit ilorrisimaartoqassaaq
Ilorrisimaarnerup isumaa ataasinngornermi nannut ulluannut isumaqassaqaaq
Ataasinngorner februarip 27-ani nunarnsuarmi nannunut ullorsiulaartitsineqassaaq. Ukioq mannalu nannut ataqqiniarlugit nunarsuarmioqatigiit ilorrisimaarnissamik aaqqissuussinermik isumassarsisuuvoq peqatigiiffik Polar Bears International.
Naneruutinik, alersinik ulinnillu ilorrisimaartoqarnissaa kaammattuutigineqarpoq. Ilorrisimaarnermilu kiassaatit naliginnaasumik ilorrisimaarnermi sakkukinnerulaartinneqaqquneqarput.
- Ilorrisimaarninni quttakkuit kiassaat sakkortusinngikkaluarlugu kialaassaatit taamaasillunilu nanoq nillerulaamiissaaq. Ilorrisimaarnissamut ikinngutitit ilaquttatillu katersukkit. Nannut pillugit CO2-mik migutsitsinnginnerulaaruit kammalaatigiinneq, qanilaarneq iluarisimaarnerlu maluginngitsoorunnanngikkitit qularinngilarput, Polar Bears International ukiumoortumik aaqqissuussap aallartinnginnerani taama allapput.
Ilorrisimaarnerit siammarteruk
Ilorrisimaarnermi assilisarineqarsimasunit inuit naapittarfiini ikkussinissaq hashtag-lerlugu #Hygge, kattuffimmiit kaammattuugineqarpoq.
Nannut ulluat uumasuusivissuarni aamma malunnartinneqassooq. Københavnip uumasuusivissuani nannut amii salinniarlugit nillalaartinniarlugillu sikunik tunisisoqassaaq.
Aalborgimilu nanoq arnaviaq Malik piaqqani marluk takutissinnaassagai neriuutigineqarluni. Pingasunngormat uumasuusivissuarmi taakku piaqqat marluk aatsaat qilak takusimavaat.
Uani videoliami Polar Bears Internationalip sanaavani, Janne Toftep Scandinavian Wildlife Parkimeersup 'hygge' qanoq isumaqarnerna nassuiarpaa: