Nannut nanoqatiminnik nerisalersinnaanerat
Nannut maannakkut navianartorsiorput – minnerunngitsumillu siunissami navianartorsiussallutik: Nannut nerisassarsiorlutik illoqarfinnut pisarput ingammillu takornariat sianiilliortarput: Takornariartitsisarfinni navianartoq ilisimaneqanngilaq, nalunaarusiami mianersoqqusipput.
Nanuaqqat ipisimasut arlallit, inuit nannullu kamassimaartut aporaannerat inuunermik navianartorsiortitsisut aamma nannut kaattut imminnut nerisut amerliartortut, AG allappoq.
Naalakkersuisunit aqutsinissamik pilersaarut nutaaq malillugu Kalaallit Nunaanni uumasut qaasuttut nunarsuarmi tamarmi tusaamasat siunissaat taamatut taartigisinnaavoq. Tassani silap allanngornerata amiilaarnartumik sunniutai sukumiisumik allaaserineqarput.
Immap sikuata aakkiartortup ajornerpaamik kingunipilui taamatut nalunaarusiami allaaserineqarput:
- Nannut nanoqatiminnik nerisarnerat nalinginnaasuuvoq. Nannut sinerissamiinnerusalernertik ilutigalugu taamatut imminnut nerisaleraluttuinnarnissaat naatsorsuutigineqartariaqarpoq.
Nerisassanik pissarsiariuminartunik, ingammik puisinik, amigaateqarneq aamma nannut inuillu akornanni sakkortunerusumik aporaattoqartalissasoq ersarissarneqarpoq.
Allaaserineqartoq aviisimi AG-mi, pingasunngorpat saqqummertussami, tamakkiisumik atuarneqarsinnaavoq. Aviisi uani pisiarineqarsinnaalereerpoq: