Selvtændighed
Namminiilivinnissaq Nunatsinni tunngavusumik inatsisissaqalernissaq pillugu suliaqarneq aallartippoq
Namminiilivinnissamut isumalioqatigiisitamit taasagaat tallimanngormat Hans Egedep Illuani siullerpaamik ataatsimiippoq. Taamaalilluni Nunatsinni tunngaviusumik inatsisitaarnissaq pillugu sulineq aallartippoq.
Ippassaq Nunatsinni namminiilivinnissaq pillugu alloriarnerit siulliit aallartipput.
Tassani Nunatsinni tunngaviusumik inatsisitaarnissaq pillugu suliaq aallartimmat.
Tunissutaanngilaq
- Tamat namminiilivinnissaq pillugu akisussaaqataallutillu suleqataasussaatitaapput. Namminiilivinnissaq tunissutaanngilaq, suleqatigiinneq aqqutigalugu anguneqartussaavoq, Namminiilivinnissamut isumalioqatigiisitap siulittaasuat Vivian Motzfeldt (S) oqarpoq.
Isumalioqatigiissitaq Hans Ededep Illuani siullerpaamik ataatsimiippoq aalajangersarneqarporlu Nunatta naalagaaffinngornissaanut atuutilertussamik suliniuteqarnissaq.
Alloriarneq pingaartutilik
Isumalioqatigiissitap siullerpaamik ataatsimiinnerat persuarsiorpalaartumik inuiattullu erinarsuuterput inerinarsorlugu peqataaffigaarput, Nunatta oqaluttuarisaanerani alloriarneq pingaarutilik aallartipparput. Nunatsinni innuttaasut pilluaritsi, alloriarneq pinngaarutilik aallartipparput. Ilissi peqatigalusi isumalioqatigiissitaq ilusilersussavarput, ataatsimut piginneqatigiilluta, Vivian Motzfeldt oqarpoq.
Peqatigiiffiup siulittaasuata tullersortigaa Mimi Karlsen IA