Skip to main content

Namminiilivinnissamut aningaasartuutissat millionilikkuutaat

Naalagaaffittut namminiilivinnissaq anguniarlugu suliamut ukiuni tulliuttuni marlunni 17 millioner koruunit atorneqasssapput

Kiffaanngissuseq akeqarpoq. 

Tamanna aningaasaliissutini Naalakkersuisunit namminiilivinnissaq anguniarlugu suliaqarnissamut immikkoortinneqartunit takutinneqarpoq.

Aallaqqaammut tunngaviusumik inatsiseqalernissamut isumalioqatigiissitaq aningaasalersorneqassaaq. 

Tassani 2017-imi 2018-imilu aningaasartuutissat ilanngaatissat peereerlugit 11 millioner koruunit missaanniinnissaat ilimagineqarpoq. 

Aningaasaqartitsineq
Aningaasat ilaatigut sulisut, tunngaviusumik inatsisissatut missingiutinik suliaqarnermi isumalioqatigiissitamut ilaasortanut politikkikkut toqqarneqartunut ikiuunnermik suliaqartussat, aningaasarsiaqartinneqarnerannut atorneqassapput.

Tunngaviusumik inatsisissanik suliaqarnerup peqatigisaanik Kalaallit Nunaata kunngitsuuffinngortinnissaanik suliaqarnerup sukkanerulersinnissaanut Naalakkersuisuni millionilikkuutaanik immikkut aamma atuisoqassaaq.

Namminiilivinnissamut naalakkersuisoqarfittaaq, Siumumeersumit Suka K. Frederiksenimit siulersorneqartoq, Naalakkersuisuni ataatsimiinnermut imaqarniliaq naapertorlugu, aningaasartuutinut matussutissatut ukiumut 3 millioner koruuninik aningaasaliiffigineqarpoq, aningaasallu taakkua ilaatigut sulisunut nutaanut sisamanut, ilaatigut immikkoortortaqarfiup aqutsisuanut, atorneqassallutik.

Allaaserineqartoq AG-mi atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER