inuusuttut inatsisartui
Namminiilivinginnitsinni sanngiitsut ikioqqaarsigit
Inatsisartuni Tunngaviusumik Inatsisissaq pillugu inaarutaasumik oqaaseqaatissaq akuersissutigineqarmatinuusuttuaqqat 24-t sapaatit akunnerata siuliani nuna tamakkerlugu politikerit oqaloqatigaat. Naggataatigummi namminiilivinnissamut arriitsumik tuaviorniarput, Kalaallit Nunaammi suli piareersimanngimmat
Nalinginnaasumik inuusuttut pisunut ingerlaannaq akuliuttarput, uffa utoqqaanerumaat misilittaqarnerusullu kingunerisassat suunissaat takoqqaarusuttaraat.
Kisianni ukiumoortumik kikkut tamat oqartussaaqataanerannik sungiusarnermi, Inuusuttut Inatsisartui, inuusuttuaqqat sapaatit akunnerani Inatsisartuni politikerit sukumiisumik sammissavaat aamma pisuni piviusorsiorpaluttuni pisuusaarlutik inatsisilerineralutik suliaqarneranni killormorluinnaq pisoqarpoq.
Atuaruk: Inuusuttut tunngaviusumik inatsit oqaluuserissavaat
Siullermik atukkat pitsanngorlugit
Tassani inuusuttut 24-t 18-it aamma 24-it akornanni ukiullit Kalaallit Nunaata siunissaa pillugu pilersaarummik saqqummiussaqarput, tassanilu Naalakkersuisut siulittaasuannit Kim Kielsenimit arriinnerusumik pisusaaffikinnerusumillu ingerlasoqarniarpoq, minnerunngitsumik namminiilivinnissamut sulissutiginninnerpaat Aleqa Hammond, Lars-Emil Johansen aamma Per Rosing Petersen eqqarsaatigalugit.
Inuusuttulli naak assigiinngitsunik politikkimi isummersuuteqaraluarlutik inaarutaasumik allakkiamik 14-inik siunnersuutitalimmik oqaluuserinnillutik naammassisaqartut suli Tunngaviusumik Inatsisinik suliaqalinngillat.
- Inuusuttut Inatsisartuisa meeqqat atugaasa pitsanngorsarneqarnissaat sulissutiginiarpaat, tassami taakkuummata kinguaariiusussat nunamik aqutsisussat. Meeqqeriviit atuarfiillu suleqatigalugit meeqqanik perorsaasarneq pillugu angajoqqaat qaammarsaafigineqassasut inaarutaasumik allakkiami ullormi kingullermi akuerineqartumi allassimavoq.
Allaaserisaq tamaat AG-mi atuaruk, taanna ullumi pisiniarfinni pisiarisinnaavat. Aviisi uani aamma pisiarinissaanut periarfissaqarputit: