Nuuk

Namminersulivinnissamut oqallinneq sangugami?

Ilisimatusarfimmi oqallinnermut peqatigiiffik nutaaq, oqimaatsunik oqallittoqartillugu inuusuttut tusaaneqarnissaannik kissaateqarpoq

Namminersulivinnissaq pillugu oqallinnermi politikerit eqqortumik tulleriiaarippat? Ilinniartut tamanna sammillugu oqallisiginiarpaat

Kalaallit Nunaat siunissami namminersulivinnissaanut atatillugu aningaasaqarnermut aamma namminissarsiorani anguniagaqarnermut tunngatillugu politikerit eqqortumik tulleriiarippat?

Aamma kalaallit inuusuttut ilinniaqqinniartillutik periarfissaannut oqaatsit qanoq sunniuteqartarpat?

Oqallinneq
Ilinniartut oqallinnermut peqatigiiffiat Taqqissuut politikerit maligassiuisut sisamat naapilerunikkit sammisat taama ittut kalaallisut oqallisigineqassapput, tamanna aqagu pingasunngornermi nalunaaqutaq 16:15 Ilimmarfimmi pissaaq.

Politikerit pineqartu tassaapput Lars Emil Johansen (S), Randi V. Evaldsen (D), Steen Lynge (A), Aqqaluaq B. Egede (IA) kiisalu Hans Enoksen (PN).

Oqallinnermut peqatigiiffiup tamanna aaqqissuusseqqaatigissavaa, Taqqissuullu inuusuttut inuiaqatigiinni inuunerannut attuumassutilinnut oqalliseqataanissaannut periarfississavai tusaaneqartillugillu.

Oqallinneq nuukkaat
- Ilisimatusarfimmi inuiaqatigiinnut tunngasunik oqallinnernik ilinniartut arlaqarluta amigaateqartutut misigisimagatta aallartippugut. Taamalillutalu Inatsisartuni oqallinneq Ilisimatusarfimmut nuupparput, Kuluk R. Lyberth, inooqatigiinnik ilisimatusaammi ilinniartoq oqallinnissamullu aaqqissuusseqataasoq nassuiaavoq.

- Namminersulivinnissamut maanna oqallisigissallugu pingaartuusoq isumaqarpugut, politikerit tunngaviusumik inatsisissamik piareersaasussamik isumalioqatigiissitaliornissaq oqaluusereqqittussaammassuk, Kuluk R. Lyberth ilanngullugu oqarpoq.

Powered by Labrador CMS