nuannarinnittut
Namminersorlutik Oqartussat: Aleqamut nuannaartorinnittut amerlapput
Naalakkersuisut siulittaasuanut nuannaartorinnillutik allattartut akineqarnissaat Namminersorlutik Oqartussat Tusagassiiviani ilaatigut suliarineqartarput
Eqqarsaatiginikuuiuk Naalakkersuisut siulittaasuanut nuannaartorinnilluni allattoqartarnersoq.
Sermitsiaq.AG-ip aaqqissuisoqarfiani maluginiarneqarpoq Namminersorlutik Oqartussat Tusagassiiviani sulisumik paarlattaasussamik ujarlertoqartoq apriilip aallaqqaataanit aallartittumik.
Tusagassiivimmi sulinermi ilaatigut 'Naalakkersuisut siulittaasuata assinganik piniartunut akisarneq' suliarineqartassaaq.
Taanna pillugu Sermitsiaq.AG Tusagassiivimmut apeqquteqarpoq Naalakkersuisut siulittaasuat Aleqa Hammond qanoq annertutigisumik nuannarinnittunit allaffigineqartarnersoq? Kiisalu kingullermik Naalakkersuisut siulittaasuusimasumut Kuupik Kleistimut sanilliullugu qanoq amerlanerutigisunik allagarsisarnersoq? Aamma nuannarinnillutik allagaqartut qanoq allattarnersut Tusagassiivimmut apeqqutigineqarluni.
Tusagassiivimmi naalagaagallartup Janne Stenstropip apeqqutigineqartut akivai:
- Naalakkersuisut siulittaasuanut Aleqa Hammondimut sapaatip akunneranut arlaleriarluni allaffigineqartarpoq. Nunarsuarmit assigiinngitsuninngaanniit allaffigineqartarpoq, atsiorneralu piumaneqartarluni. Kuupik Kleist Naalakkersuisunut siulittaasuugallarmat allattartut maannakkullu Aleqa Hammondimut allattartut amerlaqatigiipajaaginnarput.