pisortani sulisut
Namminersorlutik Oqartussani sulisorpassuaqalissaaq
Namminersorlutik Oqartussat sanigorsarneqassanngillat, pualanerulissallutilli. Aamma aappaagu amerlanerusunik atorfinitsitsisoqassaaq
Namminersorlutik Oqartussat millisarneqassapput.
Kalaallit Nunaanni partiimit socialliberaliusumit, Demokraatinit, ukiorpassuarni taama oqartoqartarpoq.
Kingullermik taama oqartoq tassaalluni partiip inuussutissarsiornermut politikkimi oqaaseqartartua aamma Inatsisartuni siulittaasup tulliata aappaa Justus Hansen.
Sulisut amerlanerusut
Pisortanili atorfillit ikilisinneqarnissaannik aamma suliassanik amerlanerusunik namminersortunut ingerlatitseqqinnissanik pilersaarutit, pilersaarutit naapertorlugit ingerlanneqanngillat.
2017-imut aningaasanut inatsisissatut siunnersuummi tamanna paasinarsivoq. Tassami atorfilinnik nalunaarsuinermi allassimavoq Namminersorlutik Oqartussani 2015-imi sulisorineqartut 4.182-iusut kisitsillu taanna 4.297-inut amerleriarsimalluni. Tassa sulisorineqartut ukiut marluk ingerlaneranni 176-inik amerlanerulersimapput.
Iluaqutaanngitsutut nalilikkat
Justus Hansen naalakkersuisoqatigiit namminneq siulittuutaannik paasitinneqarami illariarpoq.
- Naamik, tamanna pitsaanngilaq. Politikerit sipaartoqarnissaanik oqaloriarlutik tamatuminnga piviusunngortitsinnginnerarlugit inuit uparuaassappata paasilluarsinnaavakka. Pisortani sullissinermi iluaqutaanngitsutut nalilerneqartut sipaarniarfigineqassasut oqaatigineqarpoq, tamannali 100 procentimik malinneqarsimagunanngilaq, taanna oqarpoq.
Atuaruk: Namminersorlutik Oqartussanut isernertarneq sukateriffigineqartoq
Justus Hansenip oqaaseqaataa tamaat AG-mi uani sapaatip-akunnerani saqqummertumi atuaruk, taanna uani aamma pisiarisinnaavat: