Mailit
Namminersorlutik Oqartussani maili atorneqarsinnaanngikkallarpoq
Namminersorlutik Oqartussat innuttaasunik amerlasuunik attaveqarsinnaajunnaartitaasimapput
Tamatumunnga pisutaassimavoq Namminersorlutik Oqartussani sulisut ilaata nammineq qarasaasiani atorlugu Namminersorlutik Oqartussat webmailiannut januaari qaammat naalersoq isersimasimammat.
Namminersorlutik Oqartussat allapput.
- Attaveqarsinnaanngitsullu mailinik nassiussuillutik kiffartuussivinnit makkuninnga atuisuupput: hotmail, livemail aamma Outlook.dk. Naak ullut tamaasa Namminersorlutik Oqartussanit Microsoftimut saaffiginnittaraluarluta suli qisuariarfigineqarsimanngilagut, ilisimatitsissutigineqarpoq.
Sulisup qasaraasiaa malwarenik imaqarsimavoq, tamannalu pissutigalugu Namminersorlutik Oqartussanit mailit tusintilippassuit nassiussuunneqarsimallutik.
- Akunnerit arlaqanngitsut qaangiummata Namminersorlutik Oqartussanit maleware-t qarasaasiamit tassannga pisut unitsinneqarput ingerlaannarlu Microsoft attavigineqarpoq ajornartorsiut aaqqinneqarsimasoq nalunaarutigalugu, Namminersorlutillu Oqartussat mailsystemiat ajoquteqarunnaartoq unnerlugu.
Microsoft iliuuseqanngilaq
- Ajornartorsiut annertuvoq, tassami innuttaasut amerlasuut hotmail-imut nuunnikuummata greennet.gl atorunnaarmalli.
- Tamanna pissutigalugu Namminersorlutik Oqartussanit innuttaasut kaammattussavagut mailinik akeqanngitsumik neqerooruteqartartut allat atortaleqqullugit soorlu gmail, sulimi ajornartorsiut qaangerneqarsinnaarpasinngimmat, Microsoftip Namminersorlutik Oqartussat ullut tamaasa saaffiginnissutigisartagai akineq ajormagit, Namminersorlutik Oqartussanit nalunaarutigineqarpoq.