immikkoortitsineq
- Nalunanngitsumik unioqqutitsineruvoq
Pavia Joelsen inissianik attartortitsisartumit kalaaliunini tunngavigalugu unioqqutitsinikkut immikkoortitaalluni itigartitaanerminut taarsiiffigitinnissaminut periarfissaqarpoq. Inuit pisinnaatitaaffii pillugit ilisimatusarfik taama naliliivoq.
Inuit pisinnaatitaaffii pillugit ilisimatusarfimmi nalifiissitaanissamut pisortaq qulanngilaq.
- Suliap saqqummiunneqarnera naapertorlugu unioqqutitsinerusoq qularnanngilaq, Maria Ventegodt Liisberg, Sermitsiaq.AG-mut taama oqarpoq.
Pavia Joelsen suliffeqarfimmit Dueholm & Krøyerimit Aarhusimi attartornissamut kalaaliunera pillugu itigartitsisoqarnera, taassuma unioqqutitsinertut nalilerpaa.
Maria Ventegodt Liisbergip suliaq allamit tusagariinnaramiuk mianersortumik naliliivoq. Kisianni taamaatsillugu qularinngilaa.
- Immikkut inuiiaassuseqarneranut tunngatillugu itigartinneqarsimaguni, unioqqutitsilluni assigiinngisitsineq tassani pineqarpoq, taanna oqarpoq.
Pavia Joelsenip suliaq Naligiissitaanermut aalajangiisartunut suliassanngortinnissaanut periarfissaqartoq, taassuma naqissuserpaa.
- Akuerineqaruni taarsiiffigineqarsinnaassaaq, aammalu unioqqutitsiffigineqarsimasutut naqissusiiffigineqarluni, Maria Ventegodt Liisberg oqarpoq.
Pavia Joelsenip maalaaruteqarnissani aalajangiussimaguniuk, inuit pisinnaatitaaffii pillugit ilisimatusarfik attaveqarfigisinnaagaa taassuma aamma oqaatigaa.
Ilisimatusarfik toqqaannartumik aamma attaveqarfigisinnaavaa, tassami immikkut inuiaassuseqarneq pillugu maalaarutinut sulianut immikkut ittumik suliaqarsinnaatitaalernikuummata.
Suliaq pillugu paasisaqarnerugit:
Kalaaliugami illunik attartortitsisartumit itigartinneqartoq
Itigartitaanerup kingorna: - Paniga nikalluallattorujussuuvoq