internet

Nalunaarusiaq nutaaq: Danmarkip Issittoq aamma Kalaallillu Nunaat aallunnerusariaqarpai

Peter Taksøe-Jensenip Danmarkip nunanut allanut aamma naalagaaffiup isumannaatsuunissaanut politikkianik nassuiaatini danskit naalakkersuisuinut ataasinngornermi tunniuppaa

Peter Taksøe-Jensenip ataasinngornermi ualikkut danskit nunanut allanut politikkianut kajumissaarutini saqqummiuppai

Siorna ukiakkut Peter Taksøe-Jensen danskit naalakkersuisuinit danskit nunanut allanut politikkianik nassuiaanissaanut piumaffigineqarpoq, aammalu siumut sammisumik iliuusissanik saqqummiusseqquneqarluni.

Ullumi ataasinngornermi nalunaarusiaq 'Dansk diplomati og forsvar i en brydningstid' saqqummiuppaa.

Taassuma ilaatigut siunnersuutigaa, pisortat-namminersortullu issittumut aningaasaateqarfianik pilersitsisoqarnissaa.

Issittumi periarfissanik ujaarlerneq
- Kunngeqarfik nunani tamalaani Issittumi aningaasaliinissamut periarfissarsiortariaqarpoq, assersuutigalugu issittumut aningaasaliinissamut aningaaserivimmik pilersitsinikkut, nalunaarusiami ilaatigut oqaatigineqarpoq.

Taassuma kajumissaarutigaa, Issittumi sakkutuut attaveqaqatigiittarfii nukittorsarneqarnissaat.

- Nunarsuarmi nunat arfineq-pingasuinnaat nunanit 193-iusunit Issittumi pingaarutilittut inissisimasinnaapput. Issittumilu uagut annertuumik inissisimasinnaavugut, Peter Taksøe-Jensen oqarpoq.

Atuaruk: Nalunaarusiaq: Tele aggulunneqarli politikkikkullu akuliusimaffigiunnaarneqarli

Internetimut attaviit pitsaanerusut
Peter Taksøe-Jensenip kajumissaarutigaa, qaammataasat sakkutuut aamma Kalaallit Nunaanni innuttaasut internetimut attaveqartillugillu pitsaanerusumik attaveqarnermut aaqqiissuteqarfigalugit pilersussagai.

Kalaallit Nunaannilu innuttaasut aamma sakkutuut pitsaanerusumik interneteqartillugillu mobilimut attaveqartissavaat.

Atuaruk: Namminersortunngorsaanermut maleruagassat erseqqarissut Telep ujartorpai

Nalunaarusiaq tamaat allaaserisap talerpiata tungaani ilanngussaq atuaruk

Powered by Labrador CMS