atassuteqarneq
Nalunaarasuartaatitigut aallarnisaasunut nersornaat
Aallarniisut Poul aamma Jeanne Holm Nuummeersut Singaporemi pingasunik akissarsitinneqarput
Pilersitsisut Poul aamma Jeanne Holm Nuummeersut Asia Telecom Excellence Awards 2016-imi pingasunnik nersornaaserneqarput, tamanna Singaporemi pivoq.
Attavik aappariit pilersinneranut ukununnga akissarsitinneqarput, 'Best Innovative Telecom project', 'Best community Telecom Project', aamma 'Best Telecom Brand of the year', taanna Amerikami ukioq manna patenteqarfigilerpaat.
Antennemut ilassut
Attavik tassaavoq, mobiltelefoninut attaveqaatinik atalersitsisartoq, taamaalillutik taakku imminnut antennenut ilassutitut atorsinnaalertarput. Aamma naak mobiltelefonit sumiiffimmi sakkortusaavimmut attavinissinnaanngitsuni Attavik atorlugu imminnut attaveqarsinnaassapput.
Kalaallit Nunaanni qaqqami piniartilluni imminut attaveqatigiissinnaanermut iluaqutaasinnaavoq, aammalu sumiiffinni allani tikinneqajuitsuni imaluunniit ajunaarnersuaqarfiusunik mobilit atassutaat ajortissimatillugit atorneqarsinnaallutik.
Misigisarujussuaq
Aappariit Asia Telecom Excellence Award 2016-imi aaqqissuussisunit qaammat kingulleq mailerfigineqarsimallutik, Jeanne Holm ilisimatitsivoq, taakku nalunaarutigaat telekomimik patentiminnut akissarsititsinermut innersuunneqarsimasut.
- Naluarput kiap innersuussimaneraatigut, kisianni nersorneqarnerput uagutsinnut annertoorujussuuvoq, taanna oqaluttuarpoq.
Akissarsititsinerit tallimanngormat Nunatta nalunaaqutaa malillugu tallimanngornermi ullaakkut pipput, Poul Holmilu maanna Singaporemit angerlarpoq.