Aasiaat
Nalliuttorsiortoq saqqarmiulerneqartoq
Dronningip nersornaasiuttagaa Aasianni arfininngormat tunniunneqarpoq
Qatserisartoq Kaspar Nielsen Aasammiu ukiuni 25-ni qatserisartuni sulisimanerminut atatillugu arfininngormat Dronningip nersornaasiuttagaanik sølvimik saqqarmiulerneqarpoq.
Nersornaat kommunalbestyrelsimut ilaasortamit Peter Olsenimit (IA) tunniunneqarpoq.
Qaasuitsup Kommuniata Annaassiniartartutut Upalungaarsimasuisa Aasiaat qatserisartuini Kaspar Nielsen holdlederiuvoq.
Aasiaat katersortarfianni nereqatigiinnertalimmik unnussiortoqarmat saqqarmiuliineq pivoq.