atuagaq assiliartalik
Naliliineq: - Torrallataq asattuartoq
Henrik Saxgrenip atuakkiaa 'Ultima Thule' Josef Motzfeldtip nuannareqaa
Assiliisartup Henrik Saxgrenip Kalaallit Nunaata avannarpasinnerpaartaani piniartarneq pillugu atuakkiaminik torrallaavoq.
Josef Motzfeldtip 'Ultima Thule' AG-mi nalileramiuk taama allappoq.
- Assiliillammak, atuakkiortoq Henrik Saxgren uisaallannartumik atuakkamik Ultima Thulemik taasimasaminik saqqummersitseqqammerpoq. Misigittangaarluni atuakkiamini ukiuni tusintilinni piniartutut inooriaaseq nunarsuarmiut pinngortitamik mianersuaatsumik atuinermikkut ulorianartorsiortitaat sammivaa, Josef Motzfeldt allappoq.
Saxgrenip piniartunut inuiaqatigiinnut sukumiisumik mianerinnillu suliaqarmat ingammik nersualaarpaa, tamatumalu atuakkianit allanit taanna atuagaq malunnaatilimmik allaanerutippaa. Josef Motzfeldtillu inerniliussaa ersarippoq:
- Atuagaq issittumi pissutsinik ilisimatusartunut aalajangiisartunullu avaqqunneqarsinnaanngilluinnartumik sammineqartussaasariaqarpoq. Ilatoq atuakkiaq nunarpassuarni siammarneqarniarili.
Atuagaq pillugu paasisaqarnerugit:
- Nunap inoqqaavi tamarmik illoqarfimmut nuuppata, annaasaqangaatsiassaagut
Josef Motzfeldtip taanna nannunit arfiniliusunit arfinilinnik nalilerpaa.
Josef Motzfeldtip naliliinera tamaat AG-mi atuaruk: