Nuuk
Nakuusertumik takunnittunik politiit ujartuipput
Suliaq inummut sakkortuumik uppisillugu ajanneqartumut tunngavoq, taanna kiinnamigut ajoquserpoq
Nuummi politiit sapaatip-akunnerata naanerani ulapipput.
Tamanna pillugu politiit ilisimatitsipput, Nuummi innuttaasut politeeqarfimmut angerlarsimaffinni eqqissiviilliortoqartillugu 13-eriarlutik sianersimapput, aalakoorpallaartut imminnut isumagisinnaanngitsut qulit siarnutigineqarput, aqqusinermilu eqqissiviilliortitsisut arfinillit.
Atuaruk: Nuuk: Politiit sapaatip-akunneranut nalunaarutaat
Nakuuserneq
Brugsenip silataani Aqqusinersuarmi sapaatiummat nalunaaqutaq 03.30 missaanit 04.30 tungaanut nakuusertoqarneranik pisumi, politiit inunnik takunnissimasunik ujartuipput.
Suliaq inummut sakkortuumik uppisillugu ajanneqartumut tunngavoq, taanna kiinnamigut ajoqusersimavoq. Suliaq pillugu ikiuilluni nassuiaatissaqartoqaruni, Nuummi politiinut saaffiginnittoqarsinnaavoq, telefon 701448 imaluunniit mailikkut nuuk@politi.gl.
Atuaruk: Sinittut iserfigalugit tillinniartartut