meeqqat inuusuttullu
Nakuusa siunnersuutinik nassiussuivoq
Nakuusap paasititsiniutaa atuagassiaq nunatsinni angerlarsimaffinnut tamanut agguaanneqassaaq
Nakuusap paasititsiniutaata meeqqat artorsaateqartut inuunerannik ajunnginnerusumut qanoq saattoqarsinnaanersoq pillugu atuagassiaaqqamik saqqummiivoq nunatsinni angerlarsimaffinni tamani agguaanneqartussanngorlugu.
Inuppassuit artorsaateqarlutik peroriartorsimasut inersimasunngoreeraangamik imminnut imatut aperisarput 'Sooruna malugisimanngikkaat artorsaateqartunga? Sooruna ikiorsimanngikkaannga? Nakuusap inersimasut atuagaaraq atorlugu isumassarsitikkusuppai, qanoq iliorunik siunissami inuit taamatut imminnut aperisartut ikinnerutilertissinnaaneraat, tusagassiutinut nalunaarutigineqarpoq.
Atuagaaraq ungasinngittumi illunut tamanut nunarput tamakkerlugu agguaanneqassaaq Tele-Post suleqatigalugu, taamatullu Air Greenland suleqataarusuppoq timmisartut issiaviinut iliorarniarmagit, ilaasut atuarsinnaasaat.