sakialluut
Nakorsat taarseraatikulanerat tuberkulosemut iliuuseqarniarnermut ajornartorsiutaavoq
Tuberkulosep sunniuteqarluartumik akiorniarneqarnissaa eqqarsaatigalugu peqqinnissaqarfimmi »taarseraannerujussuaq« iluaqutaanngilaq
Tuberkulosep Kalaallit Nunaanni nungutinniarneqarnera soormi- taavaana suli iluatsinngitsoq?
Tamatumunnga nassuiaatissat arlaqarput, taakkuali ilaat tassaavoq WHO-meersut nalunaarusiaat naapertorlugu Dronning Ingridip Napparsimmavissuani (Sanami) aamma nunap immikkoortuini napparsimmavinni nakorsaqarnikkut immikkut ittumik ilisimasallit.
- Nakorsarpassuit piffissami sivikitsuinnarmi Kalaallit Nunaanniittarput tuberkulosemullu tunngasunik suliaqarnissamut killilimmik misilittagaqartarlutik, amerlanertigut Danmarkimeersuusaramik, tassanilu nappaat atugaanngingajalluinnarmat, WHO-mi immikkut ilisimasallit marluk, dr. Andrei Dadu aamma dr. Masoud Dara nassuiaatiminni allapput.
Nunatta Nakorsaaneqarfiani peqqissaasoq siunnersortaasoq, Rikke Bruun de Neergaard, naapertorlugu, taamatut nassuiaateqarneq pissusiviusunut naapertuuppoq.
- Sulisoqatigiiaat ilaanni sulisut taarseraatikulasarnerannik nalaataqarsimavugut. Maani nakorsanit nutaanit tamanit nappaammut ersiutit imaaliallaannaq ilisarineqartanngillat. Taamaattumik tuberkulosemut tunngasunik pikkorissaasalernissamik maannakkorpiaq aamma suliniuteqarpugut, oqarpoq.
Allaaserisaq tamaat aammalu peqqinnissaqarfiup iliuuserisaa nutaaq pillugu AG-mi atuaruk, taanna uani ataani linkeq atorlugu akiliillutik atuarsinnaalissavat: