sulisoqarneq
Nakorsat sunngiffeqarnissaminnik amigaateqartut
Aningaasarsiat nakorsanik sulisussarsiorniarnerup ajornakusoortuuneranut kisimik pissutaanngillat, nakorsaq misilittagartooq, inoqarfinni mikisuni sulinermi atugassarititaasut ajornakusoorluinnartuuneranik allaaserinnittoq, isumaqarpoq. Tamatuma peqatigisaanik Peqqissutsimut Aqutsisoqarfik eqitertitsiartuaarnissamik sulissuteqarpoq
- Peqqinnissakkut kiffartuussinerup maanna atuuttup allanngortinneqarnissaanik maannakkorpiaqpilersaaruteqartoqanngilaq.
Peqqissutsimut naalakkersuisoq Doris Jakobsen AG-mit nakorsataalajangersimasumik atorfinitsinneqartartut sulisussarsiariniarnerisa ajornartorsiutaanerata kingunipilui aviisimit sapaatipakunnerini kingullerni allaaserineqartut apeqqutigineqarmata taama toqqaaannartigisumik oqaaseqarpoq.
Tamatumali peqatigisaanik sulisoqarniarnermi maannakkorpiaq unammilligassat annertoorujussuunerat nassuerutigaa, nakorsatut atorfinnit 100-t missaanniittut 50-init amerlanerit maannakkorpiaq taartaasartunik inuttaqartinneqarlutik.
Atuaruk: Nakorsanngortoq: Angerlarnissara pingaartippara
Malunnaatilik
Ajornartorsiut tamanna minnerunngitsumik sinerissami peqqissaaveqarfinnilu mikisunik nakorsanik pissarsiniartarnerup ajornakusuuleraluttuinnarfigisaani malunnaateqarpoq.
Inuit suliamik ilisimasaqartut arlalissuit ilaatigut nakorsat kattuffiata siulittaasua Ole Lind aningaasarsianik unammillersinnaanerusunik neqerooruteqartoqarnissaata pisariaqassusaanik erseqqissaassutiginnissimapput, peqqinnissaqarfik assersuutigalugu Danmarkimi Norgemiluunniit aningaasarsianut qaffasissuseqalersillugu.
Atuaruk: Nakorsassaaleqineq pissutigalugu napparsimasut Nuummukartarput
Tamannali naalakkersuisumit aamma akerlerineqarpoq, erseqqissaassutigineqarluni sulisussarsiniartarneq pitsaassutsinit allanit nammanneqartariaqartoq: Pinngortitami misigisassanit, suliaqarnikkut ilinniartitaanikkullu unammilligassanit pitsaasunik – kiisalu kalaallinik nakorsanik amerlanerusunik kajungilersitsinikkut.
‘Nakorsatulli inuunerup’ pitsaasup tamatuma aamma tatineqarnera ajornartorsiutaaginnarpoq.
Atuaruk: Kalaallit Nunaat nakorsanik amigaateqarpoq
Allaaserisaq sapaatip-akunnerani AG-mi saqqummertumi atuaruk, taanna ullumikkut pisiniarfinniilerpoq. Uani ataani digitalimik ammarsinnaavat: