cannabis
Nakorsat qullersaat: Cannabis pitsaasumik misilittagaqarfigaarput
Marsip qaammataaniilli kræfertut tallimat katsorsarneqartut nakorsaaserneqarsimapput, tamanna ukiormanna siusinnerusukkut akuerineqarnikuuvoq.
Annonse
Peqqinnissaqarfimmi nakorsatut qullersaq, Assia Brandrup-Lukanow, kræftimik nappaateqartunut peruluttunut cannabisit anniarnaveersaatitut atorneqarsimasut, KNR-imut ilisimatitsivoq.
- Maannamut misilittagarineqartut pitsaasupilussuupput, Assia Brandrup-Lukanow KNR-imut taama oqarpoq. Cannabisip nakorsaatitut atorneqarneranut misilittakkat killeqarmata, nakorsaatit ilisimaneqartut salliutinneqartarput.
Nakorsatulli qullersap erseqqissaatigaa napparsimasut taamatut nakorsaasersorneqarsimasut killeqarmata inerniliinissamut suli siusippallaartoq.