Nakorsassaaleqisoqarnera ajornartorsiutaajartuinnavippoq
Kalaallit Nunaanni nakorsassaaleqineq anigorniarlugu narkorsanik sygeplejeskinillu sulisussarsiuussisartussanik pilersitsisoqassaaq
Sulisussarsiornermi sulisunillu aalaakkaatsuutitsinermi suliarujussuaq - ilaatigut Danmarkimi napparsimmaviit suleqatigalugit sulisunik kaaviiaartitsinermik aaqqiissummik pilersitsisoqassaaq.
Tillie Martinussenip Naalakkersuisunut apeqquteqaataani Doris J. Jensen (S) akissuteqarpoq.
Nakorsassaaleqineq
Suliniummik aqutsisup peqqinnissaqarfik internetikkut attaveqaqatigiittarfiit, soorlu Linkedin, Facebook aamma Instagram atorlugit, sulisussarsiornermi allagarsiissutinik Kalaallit Nunaannillu oqaluttuanik nuannersunik attuumassuteqartut tapersiisullu pitsaanerusumik nittarsaannerussavaa.
- Nakorsassaaleqineq ajornartorsiutaasorujussuuvoq. Nakorsassaaleqisut uku taakkartorneqarput:
- Nakorsaqarfik Disko novembarip aallaqqaataani nakorsaqarunnaassaaq
- Peqqinnissaqarfik Kujataa nunap immikkoortuani aalajangersimasumik atorfilinnik
- marluinnarnik nakorsaqarpoq.
Peqqinnissaqarfik Avannaani Upernavimmi, Uummannami Qaanaamilu aalajangersimasumik atorfilimmik nakorsaqanngilaq.
Nuummi aamma unamminartoqarpoq
- Dronning Ingridip Napparsimmavissua taamatuttaaq unamminiagaqarpoq, pingaartumik Pinasuagassanut Immikkoortortami, Tarnimikkut Nappaatilinnut Immikkoortortami Nakorsartittunullu Immikkoortortami nakorsat immikkut
paasisimasallu pineqarlutik, nakorsaanerit aalajangersimasumik atorfeqartussat arfiniliusuni pingasut inuttaqanngillat, Doris J. Jensen ilisimatitsivoq.
- Peqqissaasunut tunngatillugu peqqissaasutut atorfinni massakkuugallartumi 267- iusuni 140-t missaanniittut peqqissaasutut aalajangersimasumik atorfeqartoqarpoq. Atorfiit 60-it missaanniittut massakkuugallartoq sivikitsumik atorfeqartinneqartunik inuttaqarput atorfiillu 23-t sinniisut allaffiannit matussuserneqarlutik. Atorfiit sinneruttut assersuutigalugu peqqissaanermi ikiortinit matussuserneqartarput, akissuteqaammi allappoq.
Atorfinnik amigaateqarneq
Dronning Ingridip Napparsimmavissua taamatuttaaq peqqissaasunik
aalajangersimasumik atorfilinnik amigaateqarnikkut unammillerneqarpoq. Assersuutigalugu pilattaasarfimmut immikkoortortami K2-mi atorfinni 13-iusuni taamaallaat peqqissaasut pingasut aalajangersimasumik atorfeqartinneqarput.
Nakorsat ilinniarnermi aalajangersimasunik taamaallaat immikkut paasisimasaqarnerulertarput taamaalillutillu peqqinnissaqarfinni
immikkoortortaqarfinni minnerusuni nakorsatut atorfeqarnissartik