peqqinnissaq
Nakorsaq: Imminut paaralusi
Peqqinnissaqarfik innuttaasullu nappaatinik paasinninnermut pinaveersaartitsinermullu pikkorinnerulersimagaluartut inuit amerlavallaartut peqqinnanngitsumik inuupput. Tamatumunnga pissutaanersaapput pujortarneq, sukkutorneq eqiasunnerlu
Peqqinnanngitsunik nerivallaarnak, nikuigit pujortartarunnaarlutillu.
Taama ajornanngitsigisumik oqaatigineqarsinnaavoq, ukiorpassuarnilu tamanna oqaatigineqartarsimavoq, allaaserineqartarsimavoq suaartaatigineqartarsimallunilu.
Taamaakkaluartoq nalunaajaat tamanna innuttaasut ilarpassuinut anngukkuminaappoq.
Sunngiffimmi timigissartarit
Taamatut oqaluttuarpoq nunap immikkoortuani nakorsaaneq Jesper Olsen, taassumalu Dronning Ingridip Napparsimmavissuani ulluinnarni naammattoortarpai innuttaasut namminneq peqqissutsiminnik soqutiginninngippallaarnerisa kinguneqaatai.
– Inooriaatsip kingunerisaanik nappaatit unammilligassarujussuit ilagaat. Qanga qasuersaalaarnissamut piffissaqarpiarata suut tamaasa aalaniarfigisariarlugit ullumikkut ulloq naallugu skærmip saavani issiaannartalersimavugut.
Taamaattumik pisariaqarpoq sunngiffitsinni aalaniartarnissarput, taanna oqarpoq.
Allaaserisaq tamaat AG-mi pingasunngornermi saqqummersumi atuaruk. Aviisi aamma pisiarisinnaavat uani: